પાકિસ્તાનના ઘણા વિસ્તારો અતિશય ગરમી અને હીટ વેવને કારણે સળગી રહ્યાં છે. દરમિયાન, એક સંગઠને દાવો કર્યો છે કે ચાર દિવસમાં પાકિસ્તાનના કરાચીના વિસ્તારોમાં ભારે ગરમી અને હીટ વેવને કારણે ૪૨૭ લોકોના મોત થયા છે. એક એનજીઓ એધી ફાઉન્ડેશનનું કહેવું છે કે બુધવાર સિવાય છેલ્લા ચાર દિવસમાં ૪૨૭ લોકોના મોત થયા છે. આ સિવાય મંગળવારે સિંધ પ્રાંતની ત્રણ સરકારી હોસ્પિટલોમાંથી ૨૩ મૃતદેહો બહાર કાઢવામાં આવ્યા હતા.
પાકિસ્તાનના બંદર શહેર કરાચીમાં ગયા સપ્તાહથી શનિવારથી ભારે ગરમી અને ગરમીના મોજાની અસર જોવા મળી રહી છે. શનિવારે અહીંનું તાપમાન ૪૦ ડિગ્રીને પાર કરી ગયું હતું અને બુધવાર સુધી આ જ સ્થિતિ સતત જોવા મળી હતી. ઈધી ફાઉન્ડેશનના વડા ફૈઝલ એધી કહે છે કે કરાચીમાં કુલ ચાર શબઘર છે. આ શબઘરોમાં મૃતકોના મૃતદેહ રાખવા માટે હવે જગ્યા બચી નથી.
ફૈઝલ એધીએ કહ્યું, ’દુ:ખની વાત એ છે કે જે વિસ્તારોમાં ભારે વીજ કાપ છે, ત્યાં મોટાભાગના લોકો ભારે ગરમીને કારણે મૃત્યુ પામ્યા છે. આમાંના મોટાભાગના મૃતદેહો નિરાધાર અને નશાખોરોના છે. એધીએ વધુમાં કહ્યું કે કરાચીના લોકોને વધુ વીજ કાપનો સામનો કરવો પડશે. બીજી બાજુ, કરાચીના વીજળી વિભાગનું કહેવું છે કે સરકારે ૧૦ અબજ રૂપિયાની લોન ચૂકવવાની છે, જેના કારણે વીજળી કાપ કરવામાં આવી રહ્યો છે.