- આ એક ચિંતાજનક સ્થિતિ છે, જ્યાં પોલીસ અધિકારીઓ સમાજમાં ભાગલા પાડવાની પહેલ કરી રહ્યા છે,અરજદારોના વકીલ
સુપ્રીમ કોર્ટે કંવર યાત્રા સંબંધિત ઉત્તર પ્રદેશ સરકારના આદેશને પડકારતી અરજીઓ પર સુનાવણી કરી. યુપી સરકારના આદેશમાં કંવર યાત્રા રૂટ પર આવેલી ખાણીપીણીની દુકાનોને માલિકોના નામ લખવા માટે કહેવામાં આવ્યું છે. સુનાવણી બાદ કોર્ટે ઉત્તર પ્રદેશ, ઉત્તરાખંડ અને મય પ્રદેશની સરકારોની સૂચનાઓ પર વચગાળાનો સ્ટે લગાવી દીધો હતો. કોર્ટે ત્રણેય રાજ્યોને નોટિસ પાઠવી તેમના જવાબ પણ માંગ્યા છે. કોર્ટે કહ્યું કે દુકાનદારોએ તેમના નામ જાહેર કરવાની જરૂર નથી. તેઓ માત્ર એટલું જ જણાવે છે કે તેમની પાસે શું અને કેવા પ્રકારની ખાદ્ય સામગ્રી ઉપલબ્ધ છે.
અગાઉ, અરજદારોના વકીલે સુપ્રીમ કોર્ટને કહ્યું હતું કે આ એક ચિંતાજનક સ્થિતિ છે, જ્યાં પોલીસ અધિકારીઓ સમાજમાં ભાગલા પાડવાની પહેલ કરી રહ્યા છે. લઘુમતીઓને ઓળખવામાં આવશે અને તેમનો આથક બહિષ્કાર કરવામાં આવશે. યુપી અને ઉત્તરાખંડ ઉપરાંત બે વધુ રાજ્યો તેમાં જોડાયા છે. સુપ્રીમ કોર્ટે પૂછ્યું કે શું આ પ્રેસ સ્ટેટમેન્ટ છે કે ઔપચારિક આદેશ છે કે આને દર્શાવવામાં આવે?
અરજદારોના વકીલે જવાબ આપ્યો કે પહેલા અખબારી નિવેદન આવ્યું અને પછી લોકો ગુસ્સે થવા લાગ્યા અને કહ્યું કે તે સ્વૈચ્છિક છે, પરંતુ તેઓ તેનું કડકપણે પાલન કરી રહ્યા છે. વકીલે કહ્યું કે આ કોઈ ઔપચારિક આદેશ નથી, પરંતુ પોલીસ કડક કાર્યવાહી કરી રહી છે. અરજદાર તરફથી હાજર રહેલા વરિષ્ઠ વકીલ અભિષેક મનુ સિંઘવીએ કહ્યું કે આ એક સ્યુડો ઓર્ડર છે.
અરજદારનું પ્રતિનિધિત્વ કરતા વરિષ્ઠ વકીલ સીયુ સિંઘે કહ્યું કે મોટાભાગના લોકો ખૂબ જ ગરીબ છે, શાકભાજી અને ચાની દુકાનો ચલાવે છે અને આવા આથક બહિષ્કારને કારણે તેમની આથક સ્થિતિ બગડશે. આનું પાલન ન કરવા બદલ, અમારે બુલડોઝરની કાર્યવાહીનો સામનો કરવો પડ્યો.
સુપ્રીમ કોર્ટે સિંઘવીને કહ્યું કે આપણે પરિસ્થિતિનું વર્ણન એવી રીતે ન કરવું જોઈએ કે તે જમીની વાસ્તવિક્તા કરતાં વધારે અતિશયોક્તિયુક્ત હોય. આ ઓર્ડરોમાં સલામતી અને સ્વચ્છતાના પરિમાણોનો પણ સમાવેશ થાય છે. સિંઘવીએ કહ્યું કે કંવર યાત્રા દાયકાઓથી થઈ રહી છે અને મુસ્લિમ, ખ્રિસ્તી અને બૌદ્ધ સહિત તમામ ધર્મના લોકો તેમની યાત્રામાં મદદ કરે છે. હવે તમે તેમને બાકાત કરી રહ્યા છો.
સિંઘવીએ કહ્યું કે ઘણી શુદ્ધ શાકાહારી રેસ્ટોરાં પણ હિન્દુઓ ચલાવે છે. મુસ્લિમ કર્મચારીઓ પણ આમાં કામ કરી શકે છે. શું હું એમ કહી શકું કે હું ત્યાં કંઈ જ નહીં ખાઉં કારણ કે ત્યાંનું ભોજન કોઈને કોઈ રીતે મુસ્લિમો કે દલિતો દ્વારા તૈયાર કરવામાં આવે છે અથવા પીરસવામાં આવે છે? સૂચનાઓમાં સ્વૈચ્છિક તરીકે લખેલું છે, પણ સ્વૈચ્છિક ક્યાં છે? જો હું કહું તો હું દોષિત છું અને જો હું ન કહું તો હું પણ દોષિત છું. સુપ્રીમ કોર્ટે પૂછ્યું કે શું કંવર યાત્રાના ભક્તો (કંવરિયાઓ) પણ એવી અપેક્ષા રાખે છે કે ભોજન ચોક્કસ વર્ગના માલિક દ્વારા રાંધવામાં આવે?