મુંબઇ, સાઉથના સુપરસ્ટાર કમલ હાસન અને અભિનેત્રી સારિકાની નાની દીકરી અક્ષરા હાસને મુંબઈમાં એક લક્ઝરી એપાર્ટમેન્ટ ખરીદ્યું હોવાના અહેવાલ છે. ૨૦૧૫માં ફિલ્મ ’શમિતાભ’થી અભિનય કરિયરની શરૂઆત કરનાર અક્ષરા ઘણી હિન્દી અને તમિલ ફિલ્મોનો ભાગ રહી ચૂકી છે. પરંતુ આ દિવસોમાં તે મોટા પડદાથી દૂર છે. જો કે, તેના અંગત જીવનને કારણે, અક્ષરા હેડલાઇન્સમાં રહે છે અને તે આજે સમાચારમાં છે તેનું કારણ તેનું લક્ઝરી એપાર્ટમેન્ટ છે.
એક રિપોર્ટ અનુસાર, અક્ષરા હાસને મુંબઈના ખાર વિસ્તારમાં ૧૫.૭૫ કરોડ રૂપિયામાં એક લક્ઝરી પ્રોજેક્ટમાં એપાર્ટમેન્ટ ખરીદ્યું હોવાનું કહેવાય છે. અક્ષરાનું નવું એપાર્ટમેન્ટ ૨,૩૫૪ ચોરસ ફૂટમાં ફેલાયેલું છે અને તે ૧૫ માળના એક્તા વર્વે ટાવરના ૧૩મા માળે આવેલું છે. નોંધણી દસ્તાવેજો મુજબ, ફ્લેટ ત્રણ કાર પાર્કિંગ સ્લોટ સાથે પણ આવે છે.
અક્ષરાના ફ્લેટમાં એક બાલ્કની પણ છે અને તેને ખરીદવા માટે અભિનેત્રીએ ૯૪.૫૦ લાખ રૂપિયાની સ્ટેમ્પ ડ્યુટી ચૂકવી છે. ટાવરમાં ત્રણ , ચાર અને પાંચ એપાર્ટમેન્ટ્સ હોવાના અહેવાલ છે. તમને જણાવી દઈએ કે, અભિનેત્રી તેની માતા સાથે મુંબઈમાં રહે છે.
અક્ષરાએ ૨૦૧૫માં બોલિવૂડ ફિલ્મ ’શમિતાભ’થી એક્ટિંગની શરૂઆત કરી હતી. આ ફિલ્મમાં તેણે મેગાસ્ટાર અમિતાભ બચ્ચન અને ધનુષ સાથે કામ કર્યું હતું. અભિનેત્રી છેલ્લે તમિલ ફિલ્મ અચ્છમ મેડમ નાનમ પાયરપ્પુમાં જોવા મળી હતી. અક્ષરા હાસન અભિનય સિવાય અલગ અલગ સામાજિક કાર્યો માટે જાણીતી છે.