પંચમહાલ જીલ્લાના સાંસદ રાજપાલ સિંહ જી કાલોલ નગરપાલિકાની મુલાકાત લઈ તાજેતરમાં થયેલ અનાધાર વરસાદને કારણે નગરજનોમાં કોઈ મુશ્કેલીઓ તો નથી આવી પડીને નગરની સતત ચિંતા કરી તેઓએ નગરજનોના ખબર અંતર પૂછ્યા હતા. નગરપાલિકાના ચીફ ઓફિસર મિલાપ પટેલ સાથે સાફ-સફાઈ અને પાણીની વ્યવસ્થા વિશે વિસ્તૃત ચર્ચા કરી હતી અને નગરના પ્રશ્ર્નોનો તાત્કાલિક નિકાલ આવે તેવા સૂચન કર્યા હતા. આવનાર ગણપતિના તહેવારમાં દરેક પંડારોમાં સાફ-સફાઈ કરવામાં આવે અમે ગટરોની સાફ-સફાઈ કરી ગંદકી દૂર કરવામાં આવે તેવા સૂચન આરોગ્ય વિભાગને પણ કર્યા હતા અને નગરમાં કઈ કઈ મુશ્કેલીઓ છે, તેનો તાગ મેળવ્યો હતો. ચીફ ઓફિસર મિલાપ પટેલ અને એકાઉન્ટન્ટ નગરપાલિકા દ્વારા શહેર પ્રમુખ ગૌરાંગભાઈ દરજી અને સંગઠન દ્વારા સાંસદ રાજપાલસિંહનું સન્માન પણ કરવામાં આવ્યું હતુ.ં