કાલોલ તાલુકાના નાની શામળદેવી ગામે આરોપી ઈસમના ધર આગળ એકસયુવી કારમાં ઈંગ્લીશ દારૂનો જથ્થો રાખેલ છે તેવી બાતમીના આધારે પોલીસે રેઈડ કરી કારમાં રાખેલ ઈંગ્લીશ દારૂ કવાટરીયા નંગ-576 કિ.રૂ.66,240/-નો દારૂ તેમજ કાર મળી કુલ રૂ.3,66,240/-ના મુદ્દામાલ સાથે એક ઈસમને ઝડપી પાડવામાં આવ્યો હતો.
પ્રાપ્ત માહિતી અનુસાર કાલોલ તાલુકાના નાની શામળદેવી ગામે રહેતા દિપકભાઈ ઉર્ફે બુધો મંગળસિંહ પરમાર પોતાના રહેણાંક ધર આગળ પાર્ક કરેલ એકસયુવી ગાડીમાં ઈંગ્લીશ દારૂનો જથ્થો રાખેલ છે તેવી બાતમીના આધારે પોલીસે રેઈડ કરી કારમાં રાખેલ ભારતીય બનાવટનો ઈંગ્લીશ દારૂ સ્મુથનેસ વ્હિસ્કિ કવાટરીયા નંગ-576 કિ.રૂ.66,240/-નો દારૂ તેમજ કાર મળી કુલ રૂ.3,66,240/-ના મુદ્દામાલ સાથે દિપક ઉર્ફે બુધો પરમારને ઝડપી પાડવામાં આવ્યો હતો. આ બાબતે કાલોલ પોલીસ મથકે પ્રોહિબિશન એકટ હેઠળ ગુનો નોંધી કાયદેસરની કાર્યવાહી હાથ ધરવામાં આવી હતી.