કાલોલ, કાલોલ તાલુકાના મોટી પીંગળી ગામે રહેતા ફરિયાદી ગામમાં ગયા હતા. ત્યારે ત્રણ આરોપી ઈસમોએ તુંં પોલીસને બાતમી આપીને દારૂ પકડાવે છે. તેમ કહી લોખંંડની પાઈપ કપાળમાં મારી તેમજ અન્ય બે વ્યકિતને આરોપી મારમારી જાનથી મારી નાખવાની ધમકી આપતાં આ બાબતે પોલીસ મથકે ફરિયાદ નોંધાઈ.
પ્રાપ્ત વિગતો મુજબ કાલોલ તાલુકાના મોટી પીંગળી ગામે રહેતા ભરતભાઈ રામસીંગભાઈ સોલંકી ગામે તળાવની પાળ ઉપર મસાલો લેવા જતા હતા. ત્યારે આરોપી ઈસમો વિજય પર્વતભાઈ જાદવ, વસંત ઉર્ફે રમણ વિજયભાઈ જાદવ, ધવલભાઈ વિજયભાઈ જાદવ એ ગાળો આપીને તુંં વારે ધડીએ પોલીસને બાતમી આપીને દારૂનો જથ્થો પકડાવે છે. તને જીવતો છોડવાનો નાથી તેમ કહી વિજય જાદવે હાથમાં રાખેલ લોખંડની પાઈપ કપાળના ભાગે મારી ઈજાઓ પહોંચાડી હતી. છોડાવવા વચ્ચે પડેલ દિલીપભાઈ સોલંકી, પ્રદિપભાઈને લોખંડની પાઈપની ઈજાઓ પહોંચાડી જાનથી મારી નાખવાની ધમકી આપતાં આ બાબતે કાલોલ પોલીસ મથકે ફરિયાદ નોંધાઈ.