કાલોલ, કાલોલ તાલુકાના દેલોલ ગામના આરોપીએ દિવેલાના ખેતરમાં ગેરકાયદેસર રીતે ભારતીય બનાવટનો ઈંગ્લીશ દારૂ સંતાડી રાખેલ છે. તેવી બાતમીના આધારે પોલીસે રેઈડ કરી 2,38,080/-રૂપીયાનો જથ્થો ઝડપી પાડવામાં આવ્યો.
પ્રાપ્ત વિગતો મુજબ કાલોલ તાલુકાના દેલોલ ગામે રહેતા જીગ્નેશકુમાર ઉર્ફે પાયલોટ મંગળભાઈ રાઠોડએ પોતાના કબ્જા ભોગવટના દિવેલાના ખેતરમાં ભારતીય બનાવટનો ઈંગ્લીશ દારૂ લાવીને સંતાડી રાખેલ છે. તેવી ચોકકસ બાતમીના આધારે પોલીસે રેઈડ કરી હતી. રેઈડ દરમિયાન રોયલ સ્પેશીયલ ફાઈન વ્હીસ્કી પ્લાસ્ટીક કવાટર નંગ-2208, કિંમત 2,20,800/-રૂપીયા, સુપર સ્ટ્રોંગ બીયર ટીન નંગ-144 કિંમત 17,280/-રૂા. મળી કુલ કિંમત 2,38,080/-રૂપીયાનો મુદ્દામાલ ઝડપી પાડવામાં આવ્યો. પોલીસની રેઈડ દરમિયાન આરોપી બુટલેગર નહિ ઝડપાતા આ બાબતે કાલોલ પોલીસ મથકે પ્રોહિબીશન એકટ હેઠળ ગુનો નોંધી કાર્યવાહી હાથ ધરવામાં આવી છે.