કાલોલ, કાલોલ જીઆઈડીસી સ્થિત કંપનીના એક શેડમાં અગમ્ય કારણોસર આગ લાગતા નજીકના ગામના રહિશોમાં ભયનો માહોલ સર્જાયો હતો.
કાલોલ જીઆઈડીસી સ્થિત યુ.પી.એલ.એગ્રોકેમિકલ્સ નામની ખેતી વિષયક જંતુનાશક દવાઓ બનાવતી કંપનીના એક શેડમાં અગમ્ય કારણોસર આગ ફાટી નીકળી હતી. ધુમાડાના ગોટેગોટા સાથે આગની જવાળાઓ ઉંચે ઉઠતા જોતાજોતામાં સમગ્ર શેડમાં આગ પ્રસરી ગઈ હતી. માત્ર અડધા કલાકમાં શેડનો તમામ માલસામાન બળીને ખાખ થઈ ગયો હતો. આગની ધટનાને લઈ કં5નીની બાજુમાં આવેલા નાનકડા કાકરના મુવાડા ગામના લોકો પણ જાગી ગયા હતા. તેમજ લોકો ધટના સ્થળે દોડી ગયા હતા. આગને કારણે કેમિકલના ધુમાડાથી લોકોમાં ભય ફેલાયો હતો.જોકે કંપનીના પોતાના ફાયર ફાયટર્સ, ફાયર ઈપ્કવીમેન્ટ અને કાલોલ પાલિકાના ફાયર ફાયટર્સની મદદથી ભારે જહેમત બાદ આગ પર કાબુ મેળવતા ગામલોકોએ રાહત અનુભવી હતી. સમગ્ર ધટનાને લઈને કંપનીની નજીકમાં જ ગામના રહેણાંક મકાનો આવેલો હોય તેમની સુરક્ષા અને સલામતીને ઘ્યાને લઈ બનાવની તંત્ર દ્વારા ઉચ્ચસ્તરિય તપાસ કરવાની લોકો દ્વારા માંગ કરાઈ છે.