ગોધરા,કાંકણપૂર પોલીસે મોર્યોના મુવાડા નજીકથી કારમાં લઈ જવાતો વિદેશી દારૂનો જથ્થો ઝડપી પાડયો હતો, પોલીસે કુલ રૂ 2.99 લાખના મુદ્દામાલ સાથે ઈસમની અટકાયત કરી હતી
પ્રાપ્ત માહિતી મુજબ કાંકણપૂર પોલીસ સ્ટાફ પેટ્રોલીંગમાં નીકળ્યો હતો, ત્યારે બાતમી મળી હતી કે એક ઇકો કારમાં કેટલાક ઈસમો વિદેશી દારૂનો જથ્થો ભરીને પસાર થનાર છે, જે ચોક્કસ બાતમીના આધારે કાંકણપૂર પોલીસ સ્ટાફ દ્વારા ગત 7 તારીખે રાત્રીના સમયે ગોધરા તાલુકાના ઓડિદ્રા ગામની સીમમાં આવેલ મોર્યોના મુવાડા રસ્તા પર વોચ ગોઠવી હતી, વોચ દરમ્યાન બાતમી મુજબની કાર આવતા પોલીસે તેને અટકાવી હતી, કારચાલકે કાર રોકતા પોલીસે કારમાં તપાસ કરતા વિદેશી દારૂનો જથ્થો જોવા મળ્યો હતો, પોલીસે રૂ 96 હજારની કિંમતના 960 ક્વાટર બોટલ વિદેશી દારૂનો જથ્થો તેમજ બે લાખની કાર અને અન્ય સાધનો મળીને કુલ 2.99 લાખનો મુદ્દામાલ કબજે લીધો હતો, જ્યારે કારમાં વિદેશી દારૂના જથ્થા સાથે પકડાયેલા નરેશકુમાર રાયસિંહ રાઠોડ નામના ઈસમની અટકાયત કરવામાં આવી હતી, સમગ્ર મામલે કાંકણપુર પોલીસમથકે પ્રોહીબીશનધારા મુજબ ગુનો નોંધવામાં આવ્યો છે.