મલેકપુર,મહિસાગર જીલ્લાના કડાણા તાલુકાના લીમપુર ગામે જેઠ સુદ પૂનમને તારીખ 21/06 /2024 ને શુક્રવારના રોજ વટ સાવિત્રી વ્રત નિમિત્તે ગણપતિજી, બ્રહ્માજી, સત્યવાન,સાવિત્રીજી નું ભક્તિભાવથી પૂજન અર્ચન કરી વડદાદાને સુતર વીંટી પ્રદક્ષિણાઓ કરી હતી. ભરતભાઈ એ.પંડ્યા દ્વારા શાસ્ત્રોક્ત વિધિથી પૂજા કરવામાં આવેલ હતી. જયાબેન, હસુબેન, ભારતીબેન, મધુબેન, હેતલબેન, ગંગાબેન, જશીબેન, પુષ્પાબેન, મનુબેન, રમીલાબેન વગેરે એ આ વ્રત કરેલ હતું. વટ સાવિત્રી વ્રતની વાર્તા સાંભળી પોતાના સ્વામીના લાંબા આયુષ્ય માટે પ્રાર્થના કરી હતી. થાળ અને આરતિ કરી પ્રસાદ ગ્રહણ કરી સૌ બહેનોએ વ્રત સમાપ્ત કર્યું હતું.