બાલાસીનોર,સમગ્ર ગુજરાતમાં જુનિયર ક્લાર્કની પરીક્ષા લેવાઈ રહી છે. ત્યારે બાલાસિનોર ખાતે એમેંડો હાઇસ્કૂલ પી.વી. વિદ્યાલય નવગુજરાંત હાઇસ્કૂલ ખાતે પરિક્ષાથીઓ પહોંચ્યા હતા. પરતું બે ઉમેદવારો પાસે આધારકાર્ડ ન હતા. એક ઉમેદવાર પાસે પાસપોર્ટ સાઇઝ ફોટો ન હતા. તો બાલાસિનોર પોલીસ સ્ટેશનના પી.આઈ. અંશુમન નિનામાના માર્ગદર્શન દ્વારા પોલીસ સ્ટાફ દ્વારા તાત્કાલિક આધારકાર્ડ અને ફોટા કઢાવી આપી પરીક્ષાર્થીઓને પ્રવેશ અપાવી ઉમદા ઉદાહરણ પૂરૂં પાડ્યું હતું. આ તબક્કે પરીક્ષાર્થીઓ બાલાસિનોર પોલીસ સ્ટેશનના સ્ટાફનો આભાર માન્યો હતો. આ તબક્કે મહીસાગર જિલ્લા પોલીસ અધિક્ષક રાકેશ બારોટે પણ બાલાસિનોરના પરીક્ષાના સ્થળોની મુલાકાત કરી હતી.