જિલ્લાના કરાડી જંગલ વિસ્તારમાંથી એક વિદેશી મહિલાને બચાવી લેવામાં આવી છે. કહેવામાં આવી રહ્યું છે કે વિદેશી મહિલા અમેરિકાની રહેવાસી છે. કોઈએ મહિલાને જંગલમાં ઝાડ સાથે બાંધીને છોડી દીધી હતી. જ્યારે સ્થાનિક લોકોએ મહિલાને ઝાડ સાથે બાંધેલી જોઈ તો તેમણે પોલીસને જાણ કરી. આ પછી, પોલીસ ટીમ ઘટનાસ્થળે પહોંચી, મહિલાને ત્યાંથી બહાર કાઢી અને હોસ્પિટલમાં દાખલ કરી. હાલ મહિલા કંઈ કહી શકે તેવી સ્થિતિમાં નથી. મહિલાને ત્યાં સારવાર આપવામાં આવી રહી છે.
વાસ્તવમાં સમગ્ર મામલો સિંધુદુર્ગ જિલ્લાનો છે. અહીં સવારે કેટલાક ખેડૂતોએ એક વિદેશી મહિલાને જંગલમાં જોઈ હતી. મહિલાને ઝાડ સાથે બાંધી દેવામાં આવી હતી. આ પછી સ્થાનિક લોકોએ પોલીસને જાણ કરી. માહિતી મળતા જ પોલીસ કાફલો ઘટના સ્થળે પહોંચી ગયો હતો. આ પછી, પોલીસે પીડિત મહિલાને જંગલમાંથી બચાવી અને તેને નજીકની હોસ્પિટલમાં દાખલ કરી. પોલીસનું કહેવું છે કે પીડિતા ઘણી નબળી છે. પીડિતાનું નિવેદન લેવાનો પ્રયાસ કરવામાં આવ્યો હતો, પરંતુ પીડિતા એટલી નબળી હતી કે તે કંઈ બોલી શક્તી ન હતી. કોઈક રીતે મહિલાને કોપી-પેન આપીને ઘટના વિશે લખવા માટે કરવામાં આવી, ત્યારબાદ મહિલાએ કોપી પર લખીને ઘટના વિશે માહિતી આપી.
પીડિત મહિલાના લેખિત નિવેદન મુજબ તેણે તમિલનાડુના એક પુરુષ સાથે લગ્ન કર્યા હતા. તેના પતિએ તેને ઈન્જેક્શન આપ્યું અને પછી તેને અહીં લાવીને જંગલમાં ઝાડ સાથે બાંધી દીધી. આ પછી તેનો પતિ ત્યાંથી ચાલ્યો ગયો અને મહિલાને ત્યાં જ છોડી ગયો. મહિલાએ પોલીસને લેખિત નિવેદનમાં જણાવ્યું હતું કે તે ૪૦ દિવસથી ખાધા વિના જંગલમાં હતી. પોલીસના જણાવ્યા અનુસાર પીડિત મહિલા નબળાઈના કારણે હાલ બોલી શકવાની સ્થિતિમાં નથી. પીડિત અમેરિકન મહિલા પાસેથી તમિલનાડુનું રેશનકાર્ડ પણ મળી આવ્યું છે. આ ઘટના પ્રકાશમાં આવ્યા બાદ સાવંતવાડી પોલીસે આ મામલાની તપાસ માટે ૩ ટીમો બનાવી છે. આમાંથી એક ટીમ તમિલનાડુ માટે પણ રવાના થઈ ગઈ છે.