તાપમાન વધી રહ્યું છે. આબોહવા બદલાઈ રહી છે. ગ્લેશિયર્સ પીગળી રહ્યા છે. જેના કારણે દરિયાની સપાટી ઝડપથી વધી રહી છે. પણ વધશે. તેનું પરિણામ એ આવશે કે વર્ષ ૨૦૪૦ સુધીમાં મુંબઈનો ૧૩.૧ ટકા વિસ્તાર એટલે કે જમીન સમુદ્રની નીચે આવી જશે. બેંગલુરુ સ્થિત થિંક ટેક્ધ સેન્ટર ફોર સ્ટડી ઓફ સાયન્સ, ટેક્નોલોજી એન્ડ પોલિસી દ્વારા આ ખુલાસો કરવામાં આવ્યો છે.
ચેતવણી આપવામાં આવી છે કે જો ઉત્સર્જન રોકવામાં નહીં આવે તો સમુદ્રની સપાટી વધવાને કારણે મુંબઈનો લગભગ ૮૩૦ ચોરસ કિલોમીટર વિસ્તાર ડૂબી જશે. વર્ષ ૨૧૦૦ સુધીમાં ૧,૩૭૭.૧૩ ચોરસ કિમી (૨૧.૮%) પાણીમાં ડૂબી જશે. દરિયાકાંઠાના અન્ય શહેરોમાં પણ આવી જ સ્થિતિ હશે. ચેન્નાઈનો ૮૬.૮ ચોરસ કિમી (૭.૩%) પાણીમાં ડૂબી જશે. સદીના અંત સુધીમાં તે વધીને ૨૧૫.૭૭ ચોરસ કિમી (૧૮%) થશે. યાનમ અને થૂથુકુડીનો લગભગ ૨૦ ટકા વિસ્તાર ડૂબી જશે.
દરિયાનું સ્તર વધવાથી કોચી, મેંગ્લોર, વિશાખાપટ્ટનમ, હલ્દિયા, ઉડુપી, પારાદીપ અને પુરીમાં ૧ થી ૫ ટકા જમીન ગળી જશે. જો કાર્બન ઉત્સર્જન વધશે તો મુંબઈ-ચેન્નઈ કરતાં અન્ય વિસ્તારો વહેલા ડૂબી જશે.સીએસટીઇપીએ દેશના ૧૫ દરિયાકાંઠાના શહેરો અને નગરોમાં દરિયાની સપાટી વધી રહી છે.
તેમાં વિશાખાપટ્ટનમ, પણજી, મેંગ્લોર, ઉડુપી, કોચીન, કોઝીકોડ, તિરુવનંતપુરમ, મુંબઈ, પરાદ્વીપ, પુરી, યાનમ, ચેન્નાઈ, કન્યાકુમારી, તુતીકોરીન અને હલ્દિયાનો સમાવેશ થાય છે. ૧૯૮૭ અને ૨૦૨૧ ની વચ્ચે મુંબઈમાં દરિયાની સપાટીમાં સૌથી વધુ વધારો થયો હતો. લગભગ ૪.૪૪ સેન્ટિમીટર. પાણીના સ્તરમાં હલ્દિયામાં ૨.૭૨૬ સેમી, વિશાખાપટ્ટનમમાં ૨.૩૮૧ સેમી, કોચીમાં ૨.૨૧૩ સેમી, પારાદીપમાં ૦.૭૧૭ સેમી અને ચેન્નાઈમાં ૦.૬૭૯ સેમીનો વધારો થયો છે. એવી આશંકા વ્યક્ત કરવામાં આવી રહી છે કે સદીના અંત સુધીમાં આ તમામ શહેરોમાં સમુદ્રનું સ્તર વધતું રહેશે. મુંબઈને સૌથી વધુ અસર થશે.
જો વધુ ઉત્સર્જન થશે તો મુંબઈની દરિયાઈ સપાટી ૧૦૧.૪ સેમી વધી જશે. જે ૨૨% મુંબઈને ગળી જશે. ચેન્નાઈમાં પાણીનું સ્તર ૯૪.૭ સેમી વધશે. આનો અર્થ એ થયો કે ૧૮.૨% (૨૧૬ ચોરસ કિમી) થી વધુ વિસ્તાર પાણી હેઠળ હશે. હલ્દિયામાં સમુદ્રનું સ્તર ૯૦.૯ સેમી વધશે. જેના કારણે ૨૭.૮૬ ચોરસ કિમી વિસ્તાર પાણીમાં ડૂબી જશે. સદીના અંત સુધીમાં કોચીમાં સમુદ્રનું સ્તર ૧૦૦ સેન્ટિમીટર વધી શકે છે. જ્યારે કોઝિકોડમાં ૯૯.૯ સેમી, મેંગલોરમાં ૧૦૦.૧ સેમી, તિરુવનંતપુરમમાં ૯૯.૪ સેમી અને વિશાખાપટ્ટનમમાં ૯૧.૩ સેમી. આ પાણી પુરવઠા, કૃષિ, જંગલો અને જૈવવિવિધતાની સાથે આરોગ્ય ક્ષેત્રને અસર કરશે.
આનાથી બેકવોટર અને મેન્ગ્રોવ્સ પર પણ ખતરનાક અસર પડશે. જેની અસર પ્રવાસન પર પડશે. હલ્દિયા, ઉડુપી, પણજી અને યાનમમાં કૃષિ વિસ્તારો, વેટલેન્ડ્સ અને જળાશયો સમુદ્રના સ્તરમાં વધારો થવાનો શિકાર બનશે. સમગ્ર વિશ્ર્વમાં જેમ જેમ તાપમાન વધી રહ્યું છે તેમ તેમ દરિયાની સપાટી પણ વધી રહી છે. આ સમસ્યા વધુ મોટી બની રહી છે.