નડિયાદ,લોકસભા સામાન્ય ચૂંટણી-2024 અન્વયે જીલ્લા ચૂંટણીતંત્ર દ્વારા મતદાન જાગૃતિ માટે અનેકવિધ પ્રવૃતિઓ કરવામાં આવે છે. જે અંતર્ગત જીલ્લા ઉદ્યોગ કેન્દ્રએ, નડિઆદની કચેરી દ્વારા મહાવીર પ્લાયવુડ ઇન્ડસ્ટ્રીઝ, વાવડી, ડાયમંડ પ્લાય પ્રા. લિ., વાવડી અને ગ્રીન મીરર બિલ્ડર્સ પ્રા. લિ., નાયકા ખાતે મતદાન જાગૃતિનાં કાર્યક્રમો યોજાયા હતા. આ ઓદ્યોગિક એકમોમાં કામ કરતા કર્મચારી/કામદારોને મતદાન કરવા માટેની શપથ લેવડાવવામાં આવી, સિગ્નેચર કેમ્પેઈન અભિયાનનું આયોજન કરવામાં આવ્યું, સંકલ્પ પત્રો અને પત્રિકાઓનું વિતરણ કરી મતદાન જાગૃતિનો કાર્યક્રમ કરવામાં આવ્યો.