નડિયાદ,જીલ્લા વિકાસ અધિકારી એસ.ડી.વસાવાની અધ્યક્ષતામાં નડિયાદના અનેરી હાઇટ્સ ખાતે મતદાતા જાગૃતિ અભિયાન અંતર્ગત કાર્યક્રમનું આયોજન કરવામાં આવ્યું હતું. જીલ્લા વિકાસ અધિકારીએ ઉપસ્થિત સૌને મતદાનનું મહત્વ સમજાવી લોકસભા સામાન્ય ચૂંટણી 2024માં અચૂક મતદાન કરવા અપીલ કરી હતી.
કાર્યક્રમ અંતર્ગત અનેરી હાઇટ્સ ના કુલ 4 ટાવરના 180 ફ્લેટમાં રહેતા 700 થી વધુ મતદારોએ જીલ્લા વિકાસ અધિકારીની પ્રેરક ઉપસ્થિતિમાં ‘અચૂક અને ચોક્કસ મતદાન ’ કરવાના શપથ લીધા હતા. સાથે જ મતદાન જાગૃતિ માટે સિગ્નેચર કેમ્પેઈનમાં પણ ભાગ લીધો હતો.
આ કાર્યક્રમમાં નડિયાદ મામલતદાર, જીલ્લા વિકાસ અધિકારી, અન્ય અધિકારી કર્મચારી સહિત મોટી સંખ્યામાં લોકો જોડાયા હતા.