- રોજગાર ભરતી માટે ઇચ્છુક ઉમેદવારો અનુબંધમ પોર્ટલ www.anubandham.gujarat.gov.in ઉપર રજીસ્ટ્રેશન કરી શકે છે.
જીલ્લા રોજગાર વિનિમય કચેરી, ખેડા-નડીઆદ દ્વારા રોજગારવાંચ્છુ ઉમેદવારોના લાભાર્થે તા.24-07-2024ના રોજ સવારે 11:30 કલાકે સરકારી આઇ.ટી.આઇ-કપડવંજ ખાતે રોજગાર ભરતીમેળો તેમજ સ્વરોજગાર શિબિરનું આયોજન કરવામાં આવેલ છે. આ રોજગાર ભરતીમેળામાં ખેડા જીલ્લાના તેમજ જીલ્લા બહારના નોકરીદાતાઓ દ્વારા કુશળ ઉમેદવારોની પ્રાથમિક પસંદગી કરવામાં આવશે. જેમાં 18 થી 30 વર્ષની ઉંમરના ધો. 10 પાસ /12 પાસ/ આઈ.ટી.આઈ- ફિટર/ઇલેકટ્રીશીયન/વાયરમેન/ટર્નર તથા કોઇ પણ વિદ્યાશાખાના સ્નાતક જેવી લાયકાત ધરાવતા ફક્ત શારીરિક સશક્ત ઉમેદવારો ભાગ લઇ શકશે.
રોજગાર ભરતી માટે ઇચ્છુક ઉમેદવાર અનુબંધમ પોર્ટલ www.anubandham.gujarat.gov.in ઉપર રજીસ્ટ્રેશન કરી શકે છે. આ રોજગાર ભરતી મેળાનું અનુબંધમ જોબફેર આઇ.ડી. JF817339966 છે. ભરતીમેળામાં અસલ પ્રમાણપત્રોની ઝેરોક્ષ નકલો અને બાયોડેટા સાથે લાવવાના રહેશે. આ ભરતીમેળામાં રોજગાર કચેરીમાં નામ નોંધણી કરાવેલ અને નોંધણી વગરના માત્ર ખેડા જીલ્લાનાં જ રોજગારવાંચ્છુ ઉમેદવારો ભાગ લઇ શકશે. એમ જીલ્લા રોજગાર અધિકારી દ્વારા જણાવાયું છે.