- ખરાબ હવામાનને કારણે લોન્ચિંગ બંધ, આગામી તારીખ નક્કી નથી.
ટોકયો, ભારતનું ચંદ્રયાન-૩ સફળ થયું. પ્રજ્ઞાન રોવર પણ સતત કામ કરી રહ્યું છે. ભારતની આ સફળતાની વિશ્ર્વભરમાં પ્રશંસા થઈ રહી છે. બીજી તરફ, ભારતના મિત્ર દેશના ચંદ્ર મિશનમાં સતત અવરોધો આવી રહ્યા છે. સ્થિતિ એવી થઈ ગઈ છે કે ચંદ્રયાનનું પ્રક્ષેપણ ત્રીજી વખત મોકૂફ રાખવાની ફરજ પડી છે. આ દેશ ભારતનો મિત્ર દેશ જાપાન છે, જે ક્વાડનો સભ્ય દેશ પણ છે. જાપાનનું ચંદ્ર મિશન સોમવારે ફરી એકવાર સ્થગિત કરવામાં આવ્યું હતું.
ભારતનું પ્રજ્ઞાન રોવર સંશોધનમાં વ્યસ્ત છે. તે ચંદ્ર પરથી શ્રેષ્ઠ ફોટા મોકલી રહ્યો છે જે વિશ્ર્વમાં અન્ય કોઈ પાસે નથી. આ સાથે પ્રજ્ઞાને એ પણ જણાવ્યું કે સપાટીથી ૧૦ મીમી નીચે અને સપાટીનું તાપમાન શું છે. પરંતુ બીજી તરફ ભારતના મિત્ર દેશ જાપાને ચંદ્ર મિશન હેઠળ તેના ચંદ્રયાનનું પ્રક્ષેપણ ત્રીજી વખત મુલતવી રાખવું પડ્યું છે. તેની પાછળનું કારણ ખરાબ હવામાન છે. જાપાને સોમવારના નિર્ધારિત ટેક-ઓફના ૩૦ મિનિટ કરતાં પણ ઓછા સમયમાં ૨૮ ઓગસ્ટના રોજ ચંદ્ર લેન્ડરને વહન કરતા રોકેટના પ્રક્ષેપણમાં વિલંબ કર્યો હતો. ખરાબ હવામાનના કારણે લોન્ચિંગને અસર થઈ રહી હતી. થોડા સમય પછી તેને મોકૂફ રાખવામાં આવ્યો હતો. જાપાનની જાપાનીઝ એરોસ્પેસ એક્સપ્લોરેશન એજન્સીએ એચ૨-એ સાથે આ મિશન માટે તેના સૌથી વિશ્ર્વસનીય હેવી પેલોડ રોકેટની પસંદગી કરી હતી.
જાપાનનું ચંદ્ર મિશન સોમવારે ઉપડવાનું હતું પરંતુ ટેકઓફની ૩૦ મિનિટ પહેલા જ પ્રક્ષેપણ માટે હવામાન યોગ્ય ન હોવાથી મિશનને રદ કરવાનો નિર્ણય લેવામાં આવ્યો હતો. હવે આગામી લોન્ચિંગ ક્યારે થશે તે નક્કી નથી. જાપાનની સ્પેસ એજન્સીતેના સૌથી ભરોસાપાત્ર હેવી પેલોડ રોકેટ સાથે ચંદ્ર પર એક અદ્યતન ઇમેજિંગ સેટેલાઇટ અને હળવા વજનનું લેન્ડર મોકલવાનું હતું. જાપાનના આ મિશનને ’સ્માર્ટ લેન્ડર ફોર ઇન્વેસ્ટિગેટિંગ મૂન’ એટલે કે સ્લિમ કહેવામાં આવી રહ્યું છે. તેની ચોક્સાઈના કારણે તેને મૂન સ્નાઈપર પણ કહેવામાં આવી રહ્યું છે.
મિશન મુજબ, જાપાની લેન્ડર જાન્યુઆરીમાં ચંદ્રની સપાટી પર ઉતરી ગયું હોત, પરંતુ ખરાબ હવામાનને કારણે પ્રક્ષેપણ મોકૂફ રાખવું પડ્યું હતું. અગાઉ આ મિશન શનિવારે સવારે લોન્ચ થવાનું હતું, પરંતુ ખરાબ હવામાનને કારણે તેને રવિવાર અને પછી સોમવાર સુધી મોકૂફ રાખવામાં આવ્યું હતું, પરંતુ સોમવારે પણ હવામાન અનુકૂળ ન રહેતાં જાપાનની સ્પેસ એજન્સીએ આ મિશનને મોકૂફ રાખવાનો નિર્ણય કર્યો હતો. સમય છે. કર્યું છે રોકેટ નિર્માતા મિત્સુબિશી હેવી ઈન્ડસ્ટ્રીઝ લિમિટેડે હજુ સુધી કોઈ નિવેદન જારી કર્યું નથી કે લોન્ચિંગની આગામી તારીખ જાહેર કરી નથી. જો જાપાન ચંદ્રની સપાટી પર સોફ્ટ લેન્ડિંગ કરવામાં સફળ રહે છે, તો તે આવું કરનાર ભારત પછી પાંચમો દેશ બની જશે.