જાણો કેવી રીતે અને ક્યા ભાવે : ખરીદીસો સસ્તું સોનું

હાલ સોનાના ભાવ એટલા બધા વધી ગયા છે કે સામાન્ય કે મધ્યમવર્ગ માટે ખરીદવુ મુશ્કેલ બની ગયુ છે. જો તમે સસ્તા ભાવ સોનું ખરીદવા માંગો છો તો સરકાર તમને મદદ કરશે. સરકાર ફરી એક વાર તમને સસ્તુ સોનું ખરીદવાની તક આપશે. સરકાર સોવરિન ગોલ્ડ બોન્ડનો નવો ઇસ્યૂ લાવી રહી છે જેમાં તમે માત્ર 5000ના રોકાણ સાથે સોનું ખરીદી શકો છો. તો ચાલો જાણીયે.

માત્ર 5,000 રૂપિયાથી કરો શરૂઆત,

સરકારે સોવરેન ગોલ્ડ બોન્ડના નવા ઈશ્યૂમાં રોકાણ માટે પ્રતિ યુનિટ દીઠ 5,000 રૂપિયાનો દર નક્કી કર્યો છે. આ અંગે ભારતીય રિઝર્વ બેન્ક (RBI)એ માહિતી આપી છે.

સોવરિન ગોલ્ડ બોન્ડની પ્રાઈસ પ્રતિ ગ્રામ ગોલ્ડના પ્રાઈસથી જોડાયેલ હોય છે. આનું એક યુનિટ 1 ગ્રામ ગોલ્ડનું હોય છે. રોકાણકાર ઓછામાં ઓછું એક યુનિટ ખરીદી શકે છે. આ બોન્ડ 8 વર્ષમાં મેચ્યોર થાય છે. 5 વર્ષ બાદ એક્ઝિટનો વિકલ્પ મળે છે, જેને વ્યાજ ચૂકવણીવાળા દિવસે એક્સસાઈઝ કરી શકાય છે.

ક્યારે ખુલશે ગોલ્ડ બોન્ડનો ઇશ્યૂ

સોવરિન ગોલ્ડ બોન્ડનો નવો ઇશ્યૂ આગામી સપ્તાહે ખુલશે. માહિતી મુજબ સોવરેન ગોલ્ડ બોન્ડ સ્કીમ 2020-21 સીરીઝ IX સબ્સક્રીપ્શન માટે સોમવારે 28 ડિસેમ્બર 2020ના રોજ ખુલશે અને 1 જાન્યુઆરી 2021 સુધી ખુલ્લું રહેશે. RBIએ કહ્યું કે, આ વખતે બોન્ડની ઈશ્યૂ પ્રાઈસ 5,000 રૂપિયા પ્રતિ ગ્રામ ગોલ્ડ નક્કી થઈ છે.

સાથે-સાથે ડિસ્કાઉન્ટ પણ મળશે

આરબીઆઈએ એમ પણ કહ્યું હતું કે, ગોલ્ડ બોન્ડ માટે ઓનલાઈન અરજી અને ડિજિટલ પેમેન્ટ કરનાર રોકાણકારોને પ્રતિ ગ્રામ સોના પ્રાઈસ પર 50 રૂપિયાની છૂટ મળશે.

આ બોન્ડની પ્રાઈસ 999 પ્યોરિટીવાળા ગોલ્ડ માટે ઈન્ડિયન બુલિયન જ્વેલર્સ એસોસિએશન દ્વારા ઓફરના પહેલા સપ્તાહના અંતિમ 3 દિવસો માટે પ્રકાશિત ક્લોજિંગ પ્રાઈસના સાધારણ સરેરાશના આધારે નક્કી કરવામાં આવે છે. એટલે કે 22-24 ડિસેમ્બરના ક્લોજિંગ પ્રાઈસના આધારે આ વખતે ગોલ્ડ બોન્ડની ઈશ્યૂ પ્રાઈસ નક્કી થઈ છે.