મુંબઈ : જાહ્નવી કપૂર વધુ એકવાર બોયફ્રેનડ્ શિખર પહાડિયા સાથે ફોરેન ફરવા જતી રહી છે. બંને કેટલાય સમયથી સાથે દેખાય છે પરંતુ તેમણે હજુ તેમના સંબંધો ઓફિશિયલ કર્યા નથી.
સોશિયલ મીડિયા પર વાયરલ થયેલા વીડિયો અનુસાર જાહ્નવી તથા શિખર વારાફરતી એરપોર્ટ પર આવ્યાં હતાં. જોકે, જાહ્નવી કરતાં પહેલાં પહોંચી ગયેલો શિખર ટર્મિનલ બહાર ક્યાંય સુધી જાહ્નવીની રાહ જોઈને ઊભો રહ્યો હતો. તે પછી બંને સાથે ટર્મિનલમાં ગયાં હતાં.
જાહ્નવીએ શિખર સાથેની તેની આત્મીયતા ક્યારેય છૂપાવવાનો પ્રયાસ કર્યો નથી. અગાઉ , જાહ્વવી પિતા બોની તથા બહેન ખુશી કપૂર સાથે ફોરેન ટ્રીપ પર ગઈ હતી ત્યારે પણ શિખર તેની સાથે હતો. થોડા સમય પહેલાં જાહ્નવી અને શિખર પરંપરાગત પોશાકમાં તિરુપતિ બાલાજી મંદિરે દર્શન કરવા ગયાં હતાં. ત્યારે તો બંનેએ સગાઈ કરી લીધી હોવાની વાત પણ ફેલાઈ હતી.
જોકે, જાહ્નવી કે શિખરે હજુ સુધી પોતાના સંબંધો અંગે કશું જ ઓફિશિયલ કર્યું નથી. અગાઉ, કરણ જોહરના ચેટ શોમાં જાહ્વવી અને સારાએ કબૂલ્યું હતું કે તેઓ એક જ સમયે બે ભાઈઓને ડેટ કરતાં હતાં. જાહ્વવી ત્યારે શિખરને ડેટ કરતી હતી જ્યારે સારા તેના ભાઈ વીરના પ્રેમમાં હતી. જોકે, બાદમાં બંનેએ બ્રેક અપ કરી લીધું હતું .હવે જાહ્વવી અને શિખર ફરી સાથે થઈ ગયાં છે.