ફરિયાદી મહિલાના પુત્ર સાથે અગાઉની પૈસાની લેતી ના મનદુ:ખના મામલે બંનેએ ઘરમાં આવી હંગામા મચાવ્યો.જામનગરમાં મચ્છર નગરના એક બ્લોકમાં રહેતી મહિલાના ઘરમાં ગઈકાલે બે શખ્સો ઘુંસી આવ્યા હતા, અને મહિલાના પુત્રની સાથેની પૈસાની જૂની લેતીનું મનદુ:ખ રાખીને પેટ્રોલ છાંટી સળગાવી દીધો હતો, જેમાં પલંગના ઓશિકા નીચે રાખેલી ૧,૪૫૦૦૦ની રોકડ રકમ પણ બળીને ખાખ થઈ છે.
જે મામલે બંને સખ્સો સામે પોલીસ ફરિયાદ નોંધાવાઇ છે. આ ફરિયાદ અંગેના બનાવની વિગત એવી છે કે જામનગરમાં મચ્છરનગર હાઉસિંગ બોર્ડ બ્લોક નંબર ૨૩, રૂમ નંબર ૨૭૦માં રહેતી જોસનાબેન રમેશભાઈ પાનસુરીયા નામની ૫૦ વર્ષની પટેલ જ્ઞાતિની મહિલાએ પોતાના ઘરમાં ઘૂસી જઇ પેટ્રોલ છાંટી ઘરવખરી સળગાવી નાખવા અંગે તેમ તેની સાથે એક લાખ પિસ્તાલિસ હજારની રોકડ રકમ સળગાવી નાખવા અંગે ગાંધીનગર વિસ્તારમાં રહેતા હિતરાજ સિંહ વિક્રમસિંહ વાળા અને યશપાલસિંહ વાળા નામના બે સક્સો સામે ફરિયાદ નોંધાવી છે. પોલીસ ફરિયાદમાં જાહેર કરાયા અનુસાર ફરીયાદી જોસનાબેન ના પુત્ર કિશન કે જેને આરોપી સાથે પૈસાની લેતી દેતી ના મામલે મનદુ:ખ ચાલતું હતું
જે મનદુ:ખ ના કારણે ગઈકાલે બંને શખ્સો પ્લાસ્ટિકની બોટલમાં પેટ્રોલ લઈને આવ્યા હતા, અને તારા પુત્ર પાસે પૈસા લેવાના છે તેમ કહી મહિલા સાથે ઝઘડો કર્યો, હતો. ત્યારબાદ મહિલા દ્વારા ઘરમાં પડેલા પલંગના ઓશિકા નીચે એક લાખ ૪૫ હજારની રોકડ રકમ હતી, ઉપરાંત ઘરમાં પડેલી ઘરવખરી જે તમામ ઉપર બંને આરોપીઓએ પ્રવાહી છાંટી દીધું હતું, અને દિવાસળી ચાંપી દઈ ભાગી છૂટ્યા હતા. જેથી ઘરમાં આગ લાગી ગઈ હતી અને તમામ રોકડ રકમ અને ઘરવખરી બળીને ખાખ થયા હતા.
પોતે ડરના માર્યા ઘર છોડીને બહાર નીકળી ગયા પછી જોસનાબેને જામનગર ના સીટી બી. ડિવિઝન પોલીસ સ્ટેશનનો સંપર્ક સાયો હતો. આ બનાવબસદ પીએસઆઇ ઝેડ એમ મલેક ઘટના સ્થળે દોડી ગયા હતા, અને મહિલાની ફરિયાદના આધારે બંને આરોપીય સિધરાજસિંહ તેમજ યશપાલસિંહ વાળા સામે બી એન એસ કલમ ૩૨૬ (જી)” ૩૫૧-૩ અને ૫૪ મુજબ ગુનો નોંયો છે. આગના બનાવવાની જાણ થતા ફાયર બ્રિગેડ ની ટુકડી પણ ઘટના સ્થળે દોડી ગઈ હતી, અને પાણીનો મારો ચલાવી આગને કાબુમાં લઈ લેતાં વધુ નુક્સાની અટકી હતી.