બસપા સુપ્રીમો માયાવતીએ જમ્મુ-કાશ્મીરમાં આતંકવાદી હુમલાઓ પર સરકાર અને સુરક્ષા દળો દ્વારા કરવામાં આવી રહેલી કાર્યવાહીની પ્રશંસા કરી છે અને વિપક્ષને સલાહ પણ આપી છે.
માયાવતીએ કહ્યું કે જમ્મુ-કાશ્મીરમાં તાજેતરમાં જે આતંકવાદી ઘટનાઓ બની છે. જેમાં મોટાભાગે ચોક્કસ વર્ગના નિર્દોષ લોકોને નિશાન બનાવવામાં આવ્યા છે એટલે કે હુમલા કરવામાં આવ્યા છે. આ ખૂબ જ દુ:ખદ અને નિંદનીય છે. તેમણે કહ્યું કે સરકાર અને સુરક્ષા દળો દ્વારા આવા આતંકવાદી તત્વોને ખતમ કરવા માટે જે પણ કડક પગલાં લેવામાં આવી રહ્યા છે તે પ્રશંસનીય છે. બસપા આનું સમર્થન કરે છે પરંતુ આની આડમાં કોઈ રાજનીતિ કરવી યોગ્ય નથી.
તમને જણાવી દઈએ કે રવિવારે રાત્રે જમ્મુ-કાશ્મીરના રિયાસીમાં આતંકવાદીઓએ એક બસ પર હુમલો કર્યો હતો. જેના કારણે બસ કાબુ બહાર જઈને ખાઈમાં પડી ગઈ, જેના કારણે લગભગ ૧૦ લોકોના મોત થયા જ્યારે ૩૩ લોકો ઘાયલ થયા.દરમિયાન, બુધવારે બીજા દિવસે, કઠુઆ જિલ્લાના હીરાનગર તહસીલના સૈદા સોહલ ગામમાં આતંકવાદીઓ અને સુરક્ષા દળો વચ્ચે અથડામણ થઈ. સુરક્ષા દળોએ અન્ય એક આતંકીને પણ ઠાર કર્યો છે. પોલીસ, ર્જીંય્, ઝ્રઇઁહ્લ, આર્મીના જવાનોએ વિસ્તારને કોર્ડન કરી લીધો છે. સર્ચ ઓપરેશન ચાલુ છે. એડીજીપી જમ્મુ આનંદ જૈને આ માહિતી આપી છે.
એડીજીપીએ કહ્યું કે હીરાનગરમાં થયેલા એક્ધાઉન્ટરમાં બહાદુર જવાનોએ બંને આતંકીઓને ઠાર કર્યા છે. જોકે હજુ ઓપરેશન ચાલુ છે. આ વિસ્તારમાં અન્ય કેટલાક આતંકવાદીઓ છુપાયા હોવાની શક્યતાને નકારી શકાય તેમ નથી. આવી સ્થિતિમાં સર્ચ ઓપરેશન ચલાવવામાં આવી રહ્યું છે. આસપાસના વિસ્તારોમાં પણ સર્ચ ઓપરેશન ચલાવવામાં આવી રહ્યું છે.