જાંબુઘોડાને અડીને આવેલા ઉચાપણા પાસે બાઈક પર મોટા કાટવા સાસરીમાં જવા માટે વિપુલ ચંદ્રસિં! રાઠવા નીકળ્યા હતા. ગામેથી થોડે દુર પહોંચતા પાછળથી માતેલા સાંઢની જેમ આવતા રેતી ભરેલા ટ્રેકટરના ચાલકે વિપુલની બાઈકને ધડાકાભેર ટકકર મારતા વિપુલ બાઈક પરથી ફંગોળાઈને રોડની બાજુમાં આવેલ નાળામાં પડતા ધટના સ્થળે મોત નીપજયું હતુ. ત્યારે અકસ્માત એટલો ગંભીર હતો તે બાઈકને ટકકર મારનાર ટ્રેકટર ચાલક પણ ટ્રેકટર સાથે નાળામાં ખાબકયો હતો. બનાવની જાણ વાયુવેગે આજુબાજુના વિસ્તારોમાં પ્રસરતા લોકટોળા ઉમટી પડ્યા હતા. જયારે મૃતક વિપુલ રાઠવાના મોતના સમાચાર પરિવારજનોને થતાં અકસ્માત સ્થળ ઉપર આવી રોકકળ મચાવી હતી. જયારે અકસ્માતના બનાવને પગલે પોલીસે અકસ્માત મોતનો ગુનો દાખલ કરી આગળની કાર્યવાહી હાથ ધરી હતી.