જાંબુધોડા,જાંબુધોડાના નારૂકોટા ગામે ખેતરમાંં લીલા ગાંજાના છોડનું વાવેતર કરવામાં આવેલ છે. તેવી બાતમીના આધારે એસ.ઓ.જી. પોલીસે રેઈડ કરી 15.350 કિલો ગ્રામ ગાંજાના જથ્થા સાથે આરોપીને ઝડપી પાડવામાં આવ્યો.
પ્રાપ્ત વિગતો મુજબ પંચમહાલ એસ.ઓ.જી.પોલીસને બાતમી મળી હતી કે, જાંંબુધોડાના નારૂકોટા ગામે સરપંચ ફળીયામાં રહેતા મનહરભાઇ પોપટભાઈ રાઠવાએ પોતાના ભોગવટાના ખેતરમાંં લીલા ગાંજાના છોડનું વાવેતર કરેલ છે. તેવી ચોકકસ બાતમીના આધારે એસ.ઓ.જી. પોલીસે રેઈડ કરી હતી. રેઈડ દરમિયાન ખેતર માંથી 6 નંગ લીલા ગાંજાના છોડ મળી આવ્યા હતા. જેનું વજન કરતાં 15.350 કિલો ગ્રામ કિંમત 1,53,500/- રૂપીયાનો મુદ્દામાલ કબ્જે લઈ આરોપી મનહર રાઠવાને ઝડપી પાડવામાં આવ્યો હતો. આ બાબતે જાંબુધોડા પોલીસ મથકે એનડીપીએસ એકટ હેઠળ ગુનો નોંધી કાયદેસર કાર્યવાહી હાથ ધરી છે.