જાંબુઘોડા તાલુકાના કંબોઈ ગામે ઝંડ હનુમાન મંદિર નજીક થાર ગાડીમાંથી ઈંગ્લીશ દારૂ અને બિયર ટીન મળી રૂ84,120/-નો દારૂનો જથ્થો અને કાર મળી કુલ રૂ.5,84,120/-નો મુદ્દામાલ સાથે ચાલકને ઝડપી પાડવામાં આવ્યો હતો.
પ્રાપ્ત માહિતી અનુસાર જાંબુઘોડા તાલુકાના કંબોઈ ગામે ઝંડ હનુમાન મંદિર નજીક જંગલમાં થાર ગાડી શંકાસ્પદ જણાઈ આવતા પોલીસ દ્વારા ચેકિંગ હાથ ધરવામાં આવ્યુ હતુ દરમિયાન થાર ગાડીમાંથી ઈંગ્લીશ દારૂ ગોવા વ્હિસ્કિ પ્લાસ્ટિક કવાટરીયા નંગ-432 અને બિયર ટીન નંગ-696 મળી કુલ રૂ.84,120/-દારૂનો જથ્થો તેમજ થાર ગાડી મળી કુલ કિ.રૂ.5,84,120/-ના મુદ્દામાલ સાથે ચાલક અનીલભાઈ પોપટભાઈ રાઠવા(રહે.ઝબાણ, તા.જાંબુઘોડા)ને ઝડપી પાડવામાં આવ્યો હતો. આ બાબતે જાંબુઘોડા પોલીસ મથકે પ્રોહિબિશન એકટ હેઠળ ગુનો નોંધી કાયદેસરની કાર્યવાહી હાથ ધરવામાં આવી હતી.