જાંબુધોડા,
જાંબુધોડા તાલુકાના નિઝરણ દિલ ગામથી મારૂતી અલ્ટોકારમાં ઈંગ્લીશ દારૂનો જથ્થો જબાણા ગામે લઈ જનાર છે. તેવી બાતમીના આધારે વોચ ગોઠવી કારને ઝડપી પાડી હતી. કાર માંથી ઈંગ્લીશ દારૂ કિંમત ૫૮,૩૯૦/-રૂપીયા મોબાઈલ ફોન અને કાર મળી ૧,૫૮,૮૯૦/-રૂપીયાના મુદ્દામાલ સાથે એક ઈસમને ઝડપી પાડવામાં આવ્યો.
પ્રાપ્ત વિગતો પ્રમાણે જાંબુધોડા તાલુકાના નિઝરણ દિલ ગામેથી મારૂતી અલ્ટો ગાડી નં. જીજે.૦૬.ડીજી.૦૫૯૦માં ઈંગ્લીશ દારૂનો જથ્થો પોયલી બાજુ થઈને ઝબાણ લઈ જવાનો છે. તેવી બાતમીના આધારે પોલીસે કેના રોડ ઉપર વોચ અને નાકાબંધી કરી હતી અને અલ્ટો કારને ઝડપી હતી. કારના ચેકીંગ દરમ્યાન ઈંગ્લીશ દારૂ પ્લાસ્ટીક બોટલો નંગ-૧૧૮, બીયર ટીન નંગ-૯૬ મળી કિંત ૫૮,૩૯૦/રૂપીયાનો દારૂ મારૂતીકાર અને મોબાઇલ ફોન મળી કુલ ૧,૫૮,૮૯૦/રૂપીયાનો મુદ્દામાલઓથી વિનોદ શનાભાઈ રાઠવા ને ઝડપી પાડવામાં આવ્યો. આ બાબતે જાંબુધોડા પોલીસ મથકે પ્રોહિબીશન એકટ હેઠળ ફરિયાદ નોંધાવા પામી છે.