ટોરેન્ટો, કેનેડાના પબ્લિક સિક્યોરિટી મિનિસ્ટર માર્કો મેન્ડિસિનોએ ચીનના પગલાંને દેશ માટે મોટો ખતરો ગણાવ્યો છે. રવિવારના રોજ કેનેડિયન ટીવી ઇન્ટરવ્યુમાં, જાહેર સુરક્ષા મંત્રીએ કહ્યું કે કેનેડામાં વધુ ચાઇનીઝ પોલીસ સ્ટેશન કાર્યરત થવાની સંભાવના છે. તેમણે કહ્યું કે પોલીસ તપાસ કરી રહી છે કે શું મોન્ટ્રીયલમાં બે કોમ્યુનિટી સેન્ટરનો ઉપયોગ ચાઈનીઝ-કેનેડિયનોને ડરાવવા કે હેરાન કરવા માટે થઈ રહ્યો છે. ઓટ્ટાવા અને બેઇજિંગ દ્વારા રાજદ્વારી હકાલપટ્ટી બાદ મેન્ડિસિનોની ટિપ્પણીઓ આવી હતી.
ગયા અઠવાડિયે, કેનેડાએ ચીની રાજદ્વારી ઝાઓ વેઈને એક ગુપ્તચર અહેવાલ પછી હાંકી કાઢ્યા હતા કે તેઓ એક કેનેડિયન ધારાસભ્યને નિશાન બનાવવાનો પ્રયાસ કરી રહ્યા હતા જેમણે તેના ઉઇગુર મુસ્લિમ લઘુમતી સાથે ચીનના વર્તનની ટીકા કરી હતી. બીજા દિવસે ચીને કેનેડિયન રાજદ્વારી જેનિફર લિન લાલોન્ડેને શાંઘાઈમાંથી હાંકી કાઢ્યા.
માર્કો મેન્ડિસિનોએ એક મુલાકાતમાં જણાવ્યું હતું કે હું માનું છું કે રોયલ કેનેડિયન માઉન્ટેડ પોલીસે તે કહેવાતા પોલીસ સ્ટેશનો અંગે કોઈપણ વિદેશી દખલગીરીને રોકવા માટે નક્કર પગલાં લીધાં છે. અને જો નવા પોલીસ સ્ટેશનો ખુલશે તો તેઓ સમાન પગલાં લેવાનું ચાલુ રાખશે. માર્ચમાં, કેનેડિયન પોલીસે જણાવ્યું હતું કે તેઓ મોન્ટ્રીયલમાં કેન્દ્રોની તપાસ કરી રહ્યા છે.