ગાઝા, ઈરાને કરેલા ઈઝરાયલ પર હુમલા બાદ મિડલ ઈસ્ટમાં તણાવની સ્થિતિ છે. દક્ષિણ લેબનોનમાં ઈઝરાયલી હુમલામાં હિઝબુલ્લાના ફિલ્ડ માર્શલ સહિત ત્રણ લોકોનાં મોત થયા છે. લેબનોન સિક્યોરિટી સૂત્રો અનુસાર એક અઠવાડિયાની શાંતિ પછી ફરી હિંસામાં વધારો નોંધાયો છે.
ઈઝરાયેલની સેનાએ કહ્યું કે દક્ષિણી શહેર આઈન એબેલ પાસે કાર પર થયેલા હુમલામાં માર્યા ગયેલા ઈસ્માઈલ બાઝ હિઝબુલ્લાહના તટીય વિસ્તારનો કમાન્ડર હતો અને ઈઝરાયેલ પર રોકેટ અને ટેક્ધ વિરોધી મિસાઈલ હુમલાની યોજનામાં સામેલ હતો. હિઝબુલ્લાએ બાજના મૃત્યુ પર શોક વ્યક્ત કરતું નિવેદન બહાર પાડ્યું છે.
મળતી માહિતી અનુસાર, ઈઝરાયલી સૈન્ય દ્વારા જાહેર કરાયેલા એક વીડિયોમાં ચાલુ વાહન પર હુમલાના એરિયલ ફૂટેજ દર્શાવવામાં આવ્યા છે. એક સુરક્ષા ોત અને નાગરિક સંરક્ષણ અધિકારીએ જણાવ્યું હતું કે દક્ષિણી શહેર ચેહબિયાહ નજીક બે વાહનો પર અલગ-અલગ ઇઝરાયેલી હુમલામાં ઓછામાં ઓછા બે હિઝબુલ્લાહ લડવૈયાઓ માર્યા ગયા હતા. તમને જણાવી દઈએ કે ૨૦૦૬માં મોટું યુદ્ધ લડ્યા બાદ હિઝબુલ્લાહ અને ઈઝરાયલે ગાઝા યુદ્ધની સમાંતર ગોળીબાર કર્યો હતો.
તે જ સમયે, મય ગાઝા પટ્ટીમાં ઇઝરાયેલના હવાઈ હુમલામાં બાળકો સહિત ૧૧ પેલેસ્ટિનિયન માર્યા ગયા હતા. પેલેસ્ટિનિયન આરોગ્ય અધિકારીઓ અને હમાસે જણાવ્યું હતું કે હુમલો અલ-મગાઝી શરણાર્થી શિબિરને નિશાન બનાવ્યો હતો. હોસ્પિટલના શબઘરમાં તેના પુત્ર મોહમ્મદના મૃતદેહ પાસે બેઠેલા વફા ઈસા અલ-નૌરીએ રડતા રડતા કહ્યું કે મારો ભાઈ દરવાજે બેઠો હતો, મારો ભાઈ હુમલામાં ઘાયલ થયો હતો અને તેનો પિતરાઈ ભાઈ પણ ઘાયલ થયો હતો. મેં મારો પુત્ર ગુમાવ્યો, મારી પાસે ન તો ઘર છે કે ન તો પતિ. હવાઈ હુમલામાં અલ-નૌરીનો પતિ પણ માર્યો ગયો હતો. તેઓએ કહ્યું કે તે દરવાજા પાસે રમી રહ્યો હતો, અમે કંઈ કર્યું નથી. છ મહિનાની લડાઈ પછી ગાઝામાં યુદ્ધવિરામ કરાર સુધી પહોંચવા માટે ક્તાર અને ઇજિપ્તની આગેવાની હેઠળની યુએસ-સમથત વાટાઘાટોમાં હજુ પણ કોઈ સફળતાના સંકેત નથી, કારણ કે ઇઝરાયેલ અને હમાસ તેમની શરતોને વળગી રહ્યા છે.