મુંબઇ, ઇન્ટરનેશનલ ક્રિકેટ કાઉન્સિલ (આઇસીસી) એ અમેરિકામાં ટી ૨૦ ફોર્મેટમાં રમાતી મેજર લીગ ક્રિકેટ ટુર્નામેન્ટને અધિકૃત ’લિસ્ટ-છ’ દરજ્જો આપ્યો છે. એમએલસીની બીજી સિઝન આ વર્ષે ૫ જુલાઈથી શરૂ થશે. રમતના સૌથી મોટા બજારોમાંના એક, યુ.એસ.માં તેની લોકપ્રિયતા વધારવાનો હેતુ છે.આઇસીસી દ્વારા લેવાયેલા પગલાથી એમએલસીને સત્તાવાર ટી ૨૦ લીગ અને અમેરિકાની પ્રથમ વિશ્ર્વ-કક્ષાની સ્થાનિક ટૂર્નામેન્ટનો દરજ્જો મળે છે.
યુ.એસ. ૧ જૂનથી ૨૯ જૂન સુધી રમાનારી ટી ૨૦ વર્લ્ડ કપનું સહ-યજમાન પણ છે અને સ્ન્ઝ્ર વર્લ્ડ કપ સમાપ્ત થયાના એક અઠવાડિયામાં શરૂ થશે. એમએલસી તરફથી જાહેર કરાયેલા નિવેદન અનુસાર, દરેક સદી, અડધી સદી, રન-આઉટ, જીત, હાર અને ચેમ્પિયનશિપ હવે રમતના આંતરરાષ્ટ્રીય સ્તરે માન્ય ફોર્મેટમાં સત્તાવાર કારકિર્દીના આંકડા તરીકે નોંધવામાં આવશે.
એમએલસીની સત્તાવાર સ્થિતિનો અર્થ એ છે કે તે સ્થાનિક અમેરિકન ખેલાડીઓ અને રમતના ઉભરતા સ્ટાર્સને આંતરરાષ્ટ્રીય માન્યતા પ્રાપ્ત કરવાની તક આપશે. તેનાથી દેશમાં સ્થાનિક પ્રતિભાના વિકાસને પ્રોત્સાહન મળશે. આ નિવેદન અનુસાર – પ્રારંભિક સત્રની સફળતા બાદ એમએલસીને લિસ્ટ છ સ્ટેટસ મળી રહ્યું છે. તે યુનાઇટેડ સ્ટેટ્સમાં ટોચના સ્તરના ક્રિકેટનું આયોજન કરવા માટેના અમારા અતૂટ સમર્પણને પ્રતિબિંબિત કરે છે.
આ લીગની પ્રથમ સિઝનમાં ૧૯ મેચો રમાઈ હતી, પરંતુ એમએલસીના સીઇઓ વિજય શ્રીનિવાસને તાજેતરમાં કહ્યું હતું કે ૨૦૨૫થી તેમાં ૩૪ મેચો રમાશે. શ્રીનિવાસને કહ્યું- અમને ગયા વર્ષે મેજર લીગ ક્રિકેટની શરૂઆતની સીઝન પછી સમગ્ર અમેરિકામાં ક્રિકેટની લોકપ્રિયતાનો અહેસાસ થયો હતો. હવે બહુપ્રતીક્ષિત આઇસીસી ટી ૨૦ વર્લ્ડ કપ અને સ્ન્ઝ્રની બીજી સિઝનને લઈને ઉત્તેજના સતત વધી રહી છે.
યુએસએ ક્રિકેટ સાથે સંલગ્ન એમએલસી, ન્યુઝીલેન્ડ અને ઓસ્ટ્રેલિયા સહિત વિશ્ર્વભરના ક્રિકેટરો ભાગ લે છે. તેની ઉદઘાટન સીઝન છ ટીમો દ્વારા હરીફાઈ કરવામાં આવી હતી: લોસ એન્જલસ નાઈટ રાઈડર્સ,એમઆઇ ન્યૂયોર્ક, સાન ફ્રાન્સિસ્કો યુનિકોર્ન્સ, સિએટલ ઓર્કાસ, ટેક્સાસ સુપર કિંગ્સ અને વોશિંગ્ટન ફ્રીડમ.