સંજેલી, સંજેલી તાલુકા હીરોલા સહિત ગામોમાં અચાનક વાતાવરણ બદલાયું હતું અને કમોસમી વરસાદ ખાબક્યો હતો ભરઉનાળે ચોમાસો જેવો માહોલ સર્જાતા લોકોમાં કુતુહુલ સર્જાયું હતું. ચોમાસાની માફક વરસાદ ખાબકતા આંશિક ઠંડકનો માહોલ છવાયો હતો અને ગરમીથી રાહત અનુભવી હતી.
હવામાન વિભાગ દ્વારા 11/12 એપ્રિલના રોજ આગાહી આપવામાં આવી હતી. જેના સંદર્ભમાં સંજેલીના હીરોલા સહિત વિવિધ ગામોમાં વાતાવરણ બદલાયું હતું અને વાદળછાયા વાતાવરણ વચ્ચે વરસાદ ખાબક્યો હતો. અચાનક વરસેલા વરસાદના કારણે ઠંડક ભર્યો માહોલ સર્જાયો હતો અને આંશિક ગરમીથી રાહત અનુભવી હતી.