શિમલા, હિમાચલ પ્રદેશમાં સાતમા અને છેલ્લા તબક્કામાં ૧ જૂને ચૂંટણી યોજાવાની છે. આ પહેલા પાર્ટી અને વિપક્ષ વચ્ચે જોરદાર લડાઈ ચાલી રહી છે. હિમાચલ પ્રદેશનું રાજકારણ ખૂબ જ રસપ્રદ લાગે છે. ચાર લોક્સભા બેઠકો સાથે છ વિધાનસભા બેઠકો પર પેટાચૂંટણી છે. રાજ્યસભાની ચૂંટણીમાં ક્રોસ વોટિંગ કરનારા કોંગ્રેસના તમામ છ ધારાસભ્યો હવે પેટાચૂંટણીમાં ભારતીય જનતા પાર્ટીના ઉમેદવાર છે. આવી સ્થિતિમાં ભાજપની સાથે કોંગ્રેસ પોતાના જ બળવાખોરો પર સતત પ્રહારો કરતી જોવા મળી રહી છે. હિમાચલ પ્રદેશના નાયબ મુખ્યમંત્રી મુકેશ અગ્નિહોત્રીએ ભારતીય જનતા પાર્ટી પર નિશાન સાયું.
નાયબ મુખ્યમંત્રીએ કહ્યું કે જો વિપક્ષના નેતા જયરામ ઠાકુર અને તેમના સાથીદારોમાં હિંમત હોય તો તેમણે આગામી ૪૬ મહિનામાં સરકારને નીચે લાવવી જોઈએ. નાયબ મુખ્યમંત્રીએ કહ્યું કે હિમાચલ ભાજપનું ઓપરેશન લોટસ નિષ્ફળ ગયું છે. તેમણે કહ્યું કે ભાજપ પોતે બનાવેલી જાળમાં ફસાઈ ગઈ છે.
નાયબ મુખ્યપ્રધાન મુકેશ અગ્નિહોત્રીએ કહ્યું કે, ભાજપના નેતાઓ સરકારને પડાવવાના સપના જોતા રહ્યા, પરંતુ હવે તેમણે આ સપનું છોડી દેવું જોઈએ. તેમણે કહ્યું કે, રાજ્યમાં કોઈપણ પ્રકારની રાજનીતિ કે રાજકીય ગણિતથી ભાજપ સરકાર બનાવી શકશે નહીં. તેમણે કહ્યું કે રાજ્યમાં ભારતીય જનતા પાર્ટીના નેતાઓએ જે કંઈ કર્યું તેના કારણે લોકોમાં ભારે રોષ છે.
મુકેશ અગ્નિહોત્રીએ અપક્ષ ધારાસભ્યો પર પણ નિશાન સાધ્યું હતું. તેમણે કહ્યું કે અપક્ષ ધારાસભ્યો તેમના ધારાસભ્ય પદ પરથી રાજીનામું આપીને ફરીથી ધારાસભ્ય બનવા માંગે છે. તેમણે કહ્યું કે જો અપક્ષ ધારાસભ્યો ફરીથી ધારાસભ્ય બનવા માંગતા નથી, તો તેમણે જનતાને વચન આપવું જોઈએ કે તેઓ આગામી ચૂંટણી નહીં લડે. મુકેશ અગ્નિહોત્રીએ કહ્યું કે રાજ્યની જનતા આગામી ચૂંટણીમાં ભારતીય જનતા પાર્ટીને પાઠ ભણાવવા જઈ રહી છે.