- શિવસેના સામે બળવો કર્યો હતો કારણ કે ઉદ્ધવ ઠાકરેએ બાળ ઠાકરેની વિચારધારા છોડી દીધી હતી
નાગપુર, મહારાષ્ટ્રના મુખ્ય પ્રધાન એકનાથ શિંદેએ દાવો કર્યો છે કે તેમણે શિવસેના સામે બળવો કર્યો હતો કારણ કે ઉદ્ધવ ઠાકરેએ બાળ ઠાકરેની વિચારધારા છોડી દીધી હતી. તેમણે એમ પણ કહ્યું કે ઉદ્ધવ ઠાકરેએ અમને ઘરેલુ મદદનીશ માનવા માંડ્યા હતા. નાગપુરના રામટેકમાં શિવસેનાના કાર્યર્ક્તાઓની બેઠકને સંબોધતા સીએમ શિંદેએ કહ્યું કે તેઓ મુખ્યમંત્રી બનવા માંગતા ન હતા પરંતુ બાળ ઠાકરેની વિચારધારા સાથે ચેડા થતા જોઈને તેમણે બળવો કરવો પડ્યો.
મુખ્યમંત્રી શિંદેએ બેઠકમાં શિવસેનાના બળવા અંગે ખુલીને વાત કરી હતી. શિવસેના (યુબીટી)ના વડા ઉદ્ધવ ઠાકરે પર કટાક્ષ કરતાં તેમણે કહ્યું કે બાળાસાહેબ ઠાકરે અમારી સાથે, પાર્ટીના લોકો સાથે મિત્રોની જેમ વર્ત્યા પરંતુ ઉદ્ધવ એવા નહોતા, તેમણે અમને ઘરના નોકર માનવા માંડ્યા. શિંદેએ ઉદ્ધવ પર શિવસેનાના સ્થાપક બાળાસાહેબની વિચારધારાથી ભટકવાનો આરોપ લગાવ્યો હતો. તેમણે કહ્યું કે બાળ ઠાકરેની વિચારધારા સાથે ચેડા થતા જોઈને તેમણે પાર્ટી સામે બળવો કર્યો.
સીએમ એકનાથ શિંદેએ કહ્યું કે મહારાષ્ટ્રના મુખ્યમંત્રી હોવા છતાં તેઓ કાર્યકર તરીકે કામ કરે છે. તેમણે કહ્યું કે તેમની પાર્ટીમાં કોઈ નોકર કે કોઈ માસ્ટર નથી. તેના બદલે, દરેક વ્યક્તિ એકબીજા સાથે કામ કરી રહ્યા છે. તેમણે કહ્યું કે તેમની પાર્ટીમાં એવું નથી કે માત્ર રાજાનો પુત્ર જ રાજા બનશે, પરંતુ જે કામ કરશે તે જ રાજા બનશે.
સીએમ શિંદેએ કહ્યું કે જ્યારે નેતાઓ ઘરે બેસી રહેવાને બદલે પાયાના સ્તરના કાર્યકરો સુધી પહોંચે છે ત્યારે પાર્ટી આગળ વધે છે. બેઠકમાં તેમણે પીએમ નરેન્દ્ર મોદીને ત્રીજી વખત દેશની કમાન સોંપવાની અપીલ કરી હતી. તેમણે લોકોને નરેન્દ્ર મોદીને ફરી એકવાર વડાપ્રધાન બનાવવા માટે શાસક ગઠબંધનની તરફેણમાં મતદાન કરવા વિનંતી કરી. આ સાથે શિંદેએ વિપક્ષી ગઠબંધન મહાવિકાસ અઘાડી પર નિશાન સાધતા કહ્યું કે વિપક્ષ પાસે વિકાસનો કોઈ એજન્ડા નથી.
ઉલ્લેખનીય છે કે એકનાથ શિંદેએ શિવસેના સામે બળવો કરીને એનડીએમાં જોડાવાનો નિર્ણય કર્યો હતો અને મહારાષ્ટ્રમાં સરકાર બનાવી હતી. તેમની સાથે પાર્ટીના ઘણા ધારાસભ્યોએ પણ શિવસેના છોડી દીધી છે. જેના કારણે ઉદ્ધવને મોટો આંચકો લાગ્યો છે. તે દરમિયાન મહારાષ્ટ્રના રાજકારણમાં ભારે ખળભળાટ મચી ગયો હતો. શિવસેના બે જૂથોમાં વહેંચાઈ ગઈ, એક જૂથ ઉદ્ધવનું અને બીજું જૂથ શિંદેનું રચાયું.
તમને જણાવી દઈએ કે સાત તબક્કામાં યોજાનારી લોક્સભા ચૂંટણી માટે ૧૯ એપ્રિલથી મતદાન શરૂ થશે. મહારાષ્ટ્રની વાત કરીએ તો રાજ્યની ૪૮ લોક્સભા સીટો માટે પાંચ તબક્કામાં મતદાન થવાનું છે. પ્રથમ તબક્કામાં ૧૯ એપ્રિલે રામટેક, નાગપુર, ભંડારા-ગોંદિયા, ગઢચિરોલી-ચિમુર અને ચંદ્રપુરની બેઠકો પર મતદાન થશે.