ચંડીગઢ, યુપી અને રાજસ્થાન બાદ હવે હરિયાણામાં પણ પેપર લીકનો પર્દાફાશ થયો છે.હરિયાણાના નૂહમાં ૧૦માની પરીક્ષા દરમિયાન એક ખાનગી શાળા પર દરોડા પાડવામાં આવ્યા હતા. શાળા સંચાલકો અને શિક્ષકો પરીક્ષામાં ખુલ્લેઆમ છેતરપિંડી કરતા ઝડપાયા હતા. દરોડા બાદ આરોપીઓ સામે ૩૩ કેસ નોંધવામાં આવ્યા હતા અને ૧૫ લોકોની અટકાયત કરવામાં આવી હતી. ૧૦ની બોર્ડની પરીક્ષામાં શાળાના શિક્ષકો જ પેપર લીક કરતા હતા. શિક્ષણ બોર્ડના ચેરમેને પરીક્ષા કેન્દ્રો પર દરોડા પાડીને છેતરપિંડીનો પર્દાફાશ કર્યો છે.
અનેક શાળાના શિક્ષકો ખુલ્લેઆમ બાળકોને છેતરતા ઝડપાયા છે. એજ્યુકેશન બોર્ડના ચેરમેન ડૉ.વી.પી. યાદવે લાઈંગ સ્કવોડ સાથે અચાનક શાળામાં દરોડો પાડ્યો હતો.આરોપીના મોબાઈલ ફોનમાંથી લીક થયેલા પ્રશ્ર્નપત્રની તસવીરો મળી આવી હતી. પેપર લીકની ઘટના પ્રકાશમાં આવ્યા બાદ પરીક્ષા કેન્દ્રને જ રદ કરી દેવામાં આવ્યું છે અને તમામ કર્મચારીઓ સામે એફઆઈઆર નોંધવાના આદેશ આપવામાં આવ્યા છે. હરિયાણા સ્કૂલ એજ્યુકેશન બોર્ડના અધ્યક્ષ ડૉ. વી.પી. યાદવ તેમની ટીમ સાથે પરીક્ષા કેન્દ્રોના આશ્ચર્યજનક નિરીક્ષણ માટે નૂહ જિલ્લામાં પહોંચ્યા હતા. આ કેસમાં ૧૫ છોકરાઓની અટકાયત કરવામાં આવી હતી.
હરિયાણાના તાવડુની ચંદ્રાવતી સ્કૂલમાં ગત મંગળવારે છેતરપિંડીનો મામલો સામે આવ્યા બાદ આ કાર્યવાહી કરવામાં આવી છે. ડૉ.વી.પી. યાદવ અને તેમની ટીમે પિંગવાનની નિક્કી મોડલ પબ્લિક સ્કૂલમાં દરોડો પાડ્યો હતો. તપાસ દરમિયાન શાળાના ડાયરેક્ટર અને સ્ટાફે જાતે જ પેપર લીક કર્યું હોવાનું બહાર આવ્યું હતું.ઉમેદવારોને પેપર વહેંચતા પહેલા પણ તેનો ફોટો પાડી પેપર વાયરલ કરવામાં આવ્યું હતું. શિક્ષણ વિભાગના અધિકારીઓની ફરિયાદના આધારે, પિંગાવાન પોલીસે શાળાના ડિરેક્ટર અને શિક્ષકોને કસ્ટડીમાં લીધા હતા.
ચેકિંગ દરમિયાન, નિક્કી મોડલ પબ્લિક સ્કૂલમાં ઘણી ગેરરીતિઓ મળી આવી હતી, ત્યારબાદ પરીક્ષા કેન્દ્રને જ રદ કરવામાં આવ્યું હતું. ગુરુવારે લેવાયેલું અંગ્રેજીનું પેપર પણ રદ કરવામાં આવ્યું છે. પિંગવાન પોલીસ સ્ટેશનના પ્રભારી દિનેશ કુમારે જણાવ્યું કે બોર્ડના અધ્યક્ષ ડૉ. વીપી યાદવે સ્કૂલ ચેકિંગ દરમિયાન છેતરપિંડી કરતા પકડાયેલા શિક્ષકોને સોંપ્યા છે. પોલીસ હવે તેમની સામે કાર્યવાહી કરી રહી છે. ટૂંક સમયમાં જ આરોપીઓ સામે કેસ નોંધવામાં આવશે.