નવીદિલ્હી, મધ્યપ્રદેશમાં મુખ્યમંત્રીના નામને લઈને ભાજપમાં મંથન ચાલી રહ્યું છે. પાર્ટીએ આજે (શુક્રવારે) બેઠક પહેલા અભિપ્રાય મતદાન માટે ત્રણ નિરીક્ષકોની નિમણૂક કરી છે. જેમાં હરિયાણાના મુખ્યમંત્રી મનોહર લાલ ખટ્ટર, ભાજપ ઓબીસી મોરચાના રાષ્ટ્રીય અધ્યક્ષ ડૉ. લક્ષ્મણ અને પાર્ટીના રાષ્ટ્રીય સચિવ આશા લાકડા. એવું માનવામાં આવે છે કે ખટ્ટર અને કે. લક્ષ્મણ ધારાસભ્યો સાથે વન ટુ વન ચર્ચા કરી શકે છે.
ભાજપ ઓબીસી ચહેરા પર વિચાર કરી રહી છે. આ જ કારણ છે કે પાર્ટીએ નવા ચૂંટાયેલા ઓબીસી ધારાસભ્યોની યાદી માગી છે.બેઠક પહેલા આજે (શુક્રવારે) ઓબ્ઝર્વરની નિમણૂક થઈ શકે છે. ભાજપે ૧૦ ડિસેમ્બરે ધારાસભ્ય દળની બેઠક બોલાવી છે. ઓબ્ઝર્વર આમાં ધારાસભ્ય પક્ષના નેતા એટલે કે સીએમની જાહેરાત કરશે.
સૂત્રોના જણાવ્યા અનુસાર મધ્યપ્રદેશમાં સીએમને લઈને હાઈકમાન્ડ ઓબીસી ચહેરા તરફ આગળ વધી રહ્યું છે. શિવરાજસિંહ ચૌહાણની બદલીના મામલામાં પ્રહલાદ પટેલનું નામ મોખરે છે. સંપૂર્ણપણે નવો ઓબીસી ચહેરો આપવા પર પણ વિચારણા કરવામાં આવી રહી છે. જો ઓબીસી કાર્ડનો ઉપયોગ નહીં થાય તો સીએમ પદની રેસમાં કેન્દ્રીય મંત્રી નરેન્દ્ર સિંહ તોમરનું નામ સૌથી આગળ હશે. આ સિવાય મધ્યપ્રદેશમાં પણ ડેપ્યુટી સીએમની ફોર્મ્યુલા લાગુ કરવામાં આવશે.
બીજી બાજુ, દિલ્હીમાં ગયેલાં મોટા નેતાઓમાં પ્રહલાદ સિંહ પટેલ, કૈલાશ વિજયવર્ગીય અને વીડી શર્મા ભોપાલ પરત ફર્યા છે. ભાજપના મહાસચિવ કૈલાશ વિજયવર્ગીયએ કહ્યું કે મુખ્યમંત્રીના નામને લઈને સસ્પેન્સ રવિવારે ખતમ થઈ જશે. સાથે જ મુખ્યમંત્રી કોણ બનશે? આ સવાલ પર સીએમ શિવરાજ સિંહે કહ્યું કે આ નક્કી કરવાનું કામ પાર્ટીનું છે. સીએમ શિવરાજ સિંહ રાઘોગઢ જશે.