હાલોલ તાલુકાના તાડીયા ગામે રાજ વિક્રમ ભઠ્ઠાના માલિકે ફરિયાદી તથા અન્ય લોકોને વિશ્ર્વાસમાં લઈ પોતાના ભઠ્ઠામાં મજુરી કરાવી હતી. અને મજુરીના નીકળતા રૂ.3,39,750/-નહિ આપી જાતિ અપમાનિત કરી ગુનો કરતા આ બાબતે હાલોલ રૂરલ પોલીસ મથકે ફરિયાદ નોંધાવવા પામી છે.
પ્રાપ્ત માહિતી અનુસાર હાલોલ તાલુકાના તાડીયા ગામે આવેલ રાજ વિક્રમ ભઠ્ઠાના માલિક શમસુલકમરખાન રાજમહંમદ પઠાણ(રહે.7/8 ગરીબ નવાજ પાર્ક અજીમ મસ્જિદ પાસે ડી.કેબિન છાણીરોડ, વડોદરા)એ ફરિયાદી વિક્રમભાઈ માધુભાઈ મેડા અને અન્ય લોકોને ભઠ્ઠા ઉપર મજુરી કરાવી હતી. અને મજુરી પેટે નીકળતા રૂ.3,39,750/-નહિ આપી વિશ્ર્વાસધાત છેતરપિંડી કરી હતી. મજુરીના રૂપિયાની માંગણી કરતા ગાળો આપી જાતિ અપમાનિત કર્યા હતા. અને કરણસિંગને થપ્પડ મારી જાનથી મારી નાંખવાની ધમકી આપતા આ બાબતે હાલોલ રૂરલ પોલીસ મથકે ફરિયાદ નોંધાવવા પામી છે.