હાલોલ, હાલોલ વિન્ડ પાવર પાસે બેંક ઓફ બરોડામાં ફરિયાદી પૈસાની લેવડ દેવડ માટે ગયેલ હોય ત્યારે આરોપીને લાઈનમાં આવવાનુ કહેતા આરોપી ઉશ્કેરાઈ ગાળો બોલી જતો રહ્યો હતો. થોડીવાર પછી આરોપી અન્ય બે અજાણ્યા ઈસમો સાથે આવી માર મારી જાનથી મારી નાંખવાની ધમકી આપતા આ બાબતે હાલોલ પોલીસ મથકે ફરિયાદ નોંધાવવા પામી છે.
પ્રાપ્ત માહિતી અનુસાર હાલોલ વિન્ડ પાવર પાસે આવેલ બેંક ઓફ બરોડામાં મેહુલકુમાર ખુમાનસિંહ ચોૈહાણ પૈસાની લેવડ દેવડ માટે ગયેલ હતા ત્યારે આરોપી વજીભાઈ ભરવાડને લાઈનમાં આવવાનુ કહેતા આરોપી ઉશ્કેરાઈ જઈ ગાળો બોલી ચાલ્યો ગયો હતો. અને થોડીવાર પછી આરોપી વજીભાઈ ભરવાડ અન્ય બે અજાણ્યા ઈસમો સાથે તેની બાઈક નં.જીજે-06-એનસી-9263 ઉપર આવી મેહુલકુમારને ગડદાપાટુનો મારમાર્યો હતો. જયારે વચ્ચે પડેલ રામુભાઈને બરડામાં લાકડી મારી જાનથી મારી નાંખવાની ધમકીઓ આપતા આ બાબતે હાલોલ પોલીસ મથકે ત્રણ ઈસમો વિરુદ્ધ ફરિયાદ નોંધાવવા પામી છે.