ગોધરા,હાલોલથી ગોધરા આવતી બસમાં અંધારાનો લાભ લઈને એક હવસખોર ઈસમે મહિલા સાથે શારીરિક છેડતી કરતા મહિલાએ ગોધરા બસ સ્ટેન્ડમાં આવતા હવસખોર ઈસમને પકડીને પોલીસને હવાલે કરીને પોલીસ ફરિયાદ નોંધાવી હતી.
હાલોલથી ગોધરા આવતી બસમાં રાતના સમયે એક મહિલા મુસાફરી કરી હતી. તે દરમિયાન બસમાં લાઈટો બંધ હોવાથી અંધારાનો લાભ લઈને ગોધરાના રાંટા પ્લોટ ખાતે રહેતો મોહંમદ યાયમન કાસીન નામનો હવસખોર મહિલાના શરીરે સ્પર્શ કરીને છેડતી કરવાની શરૂઆત કરી હતી. મહિલાએ મોહંમદ યાયમનને અડકીને ઉભો ના રહીશ તેમ કહીને બલાચાલી કરી તો કંડકટરે બસમાં બોલાચાલી કરવાની ના પાડી હતી. તેમ છતાં મોહંમદ યાદમન મહિલાને બિભત્સ રીતે શારીરિક છેડખાની કરતો હતો. બસમાં મહિલાની શારીરિક છેડતી કરનાર મોહંમદ યાયમનના ફોટા પાડીને મહિલાને પોતાના 5તિને જાણ કરી હતી. બસ ગોધરા બસ સ્ટેન્ડ પર આવતા મહિલા છેડતી કરનાર હવસખોરને પકડીને ઉભો રાખ્યો હતો. છેડતી કરનાર નાસવાની કોશિશ કરતા મહિલાએ બુમાબુમ કરતા આસપાસના લોકો દ્વારા ભેગા થઈને પકડી પાડવામાં આવ્યો હતો. મહિલાના પતિ સહિતનાઓ આવીને હવસખોર મોહંમદ યાયમન કાસીમને પકડીને પોલીસને હવાલે કર્યો હતો. આ અંગેની પોલીસ ફરિયાદ પોલીસ મથકે નોંધાવવામાં પામી હતી.