હાલોલ,હાલોલ રૂરલ પોલીસને મળેલ બાતમીના આધારે સ્વીફટ કારમાં લવાતા ઈંગ્લીશ દારૂને છબાપુરા ત્રણ રસ્તા પાસે વોંચ ગોઠવી સ્વીફટ કાર માંથી 57,600/-રૂપીયાનો દારૂનો જથ્થો કાર મળી 1,57,600/-રૂપીયાના મુદ્દામાલ સાથે એક ઈસમને ઝડપ્યો.
પ્રાપ્ત વિગતો મુજબ હાલોલ રૂરલ પોલીસને બાતમી મળી હતી કે, સ્વીફટ કાર નં.જીજે.7.બીબી.5005 માં સંજય અરવિંદભાઈ રાઠોડ (રહે. ગોવિંદપુર, હાલોલ) ઈંગ્લીશ દારૂનો જથ્થો ભરીને વરસાડા થી મસવાડા તરફ આવનાર છે. તેવી માહિતીના આધારે પોલીસે છબાપુર ચોકડી પાસે વોચ ગોઠવી હતી અને ગાડી માંથી ઈંગ્લીશ દારૂના પ્લાસ્ટીક કવાટરીયા નંગ-576 કિંમત 57,600/-રૂપીયા, સ્વીફટ કાર મળી કુલ 1,57,600/-રૂપીયાના મુદ્દામાલ સાથે સંજય રાઠોડને ઝડપી પાડયો હતો. જ્યારે અનીલ સીંધીને વોન્ટેડ જાહેર કરી આ બાબતે હાલોલ રૂરલ પોલીસ મથકે ફરિયાદ નોંધી.