હાલોલ, હાલોલ તાલુકાના વડાતળાવ ગામે ડુંગરી ફળીયા રોડ ઉપરથી પસાર થતી સ્વીફટ કારના ચાલકે પોતાનું વાહન પુરઝડપે હંકારી લાવી બાઈકને ટકકર મારી બાઈક ચાલકને ગંભીર ઈજાઓ પહોંચાડતા દવા સારવાર દરમિયાન મોત નિપજાવા પામ્યું.
પ્રાપ્ત વિગતો મુજબ હાલોલ તાલુકાના વડાતળાવ ગામે ડુંંગરી ફળીયા રોડ ઉપરથી પસાર થતી સ્વીફટ કાર નં.જીજે.16.ડીજી.2507ના ચાલકે પોતાનું વાહન પુરઝડપે ગફલતભરી રીતે હંકારી લાવી સામેથી આવતી મોટર સાયકલ નં.જીજે.20.એઆર.2464ને ટકકર મારી બાઈક ચાલક ફતેસીંગ ઝેતરાભાઇ બારીયા (રહે. સીગોર, દે.બારીયા)ને ગંભીર ઇજાઓ પહોંચાડતા દવા સારવાર માટે ખસેડયા હતા. જ્યાંં સારવાર દરમિયાન મોત નિપજાવા પામ્યું. આ બાબતે પાવાગઢ પોલીસ મથકે સ્વીફટ કાર ચાલક વિરૂદ્ધ ગુનો નોંધી કાયદેસર કાર્યવાહી હાથ ધરી છે.