હાલોલના ગોધરા રોડ ઉપર આવેલા આદિત્ય કોમ્પ્લેકસની એક દુકાનમાં ઈંગ્લીશ દારૂનો જથ્થો સંતાડી રાખેલ છે. તેવી બાતમીના આધારે એલસીબી પોલીસે રેઈડ કરી હતી. રેઈડ દરમિયાન દુકાન માંથી 7 લાખ ઉપરાંંતનો દારૂનો જથ્થો ઝડપી પાડવામાં આવ્યો હતો અને દુકાન માલિક વિરૂદ્ધ પ્રોહિબીશન એકટ હેઠળ ગુનો નોંધાવામાં આવ્યો.
હાલોલ લકી સ્ટુડીયોની બાજુમાં આવેલ આદિત્ય કોમ્પ્લેકસની દુકાન નંબર-3માં ઈંગ્લીશ દારૂનો જથ્થો સંતાડી રાખવામાં આવ્યો છે. તેવી બાતમી પંચમહાલ એલસીબી પોલીસને મળી હતી. બાતમીના આધારે પોલીસે રેઈડ કરી હતી અને દુકાન નંબર-3માં તપાસ કરી ઈંગ્લીશ દારૂના નંગ-7008 કિંમત 7.800 લાખ રૂપીયાનો મુદ્દામાલ ઝડપી પાડવામાંં આધ્યો હતો. આ બાબતે દુકાન રાજસ્થાનના નરેશ બદામીલાલ ભગોરાની હોવાથી હાલોલ પોલીસ મથકે પ્રોહિબીશન એકટ હેઠળ ગુનો નોંધી કાયદેસર કાર્યવાહી હાથ ધરી છે.