હાલોલ,
હાલોલ વિધાનસભા બેઠક માટે ભાજપ દ્વારા સીટીંગ ધારાસભ્યનું નામ જાહેર કરતાં હાલોલ ભાજપના કેટલાક નેતાઓ વિરોધનો વંટોળ જોવા મળ્યો છે અને જીલ્લા બીજેપી પ્રમુખને પત્ર લખીને ઉમેદવાર બદલવા માંગ કરી છે.
હાલોલ વિધાનસભા બેઠક માટે સેન્સ પ્રક્રિયા દરમિયાન પ્રદેશના હોદ્દેદારોની હાજરીમાં ગોધરાના કમલમ્ ખાતે બે જુથો વચ્ચે બોલાચાલી થઈ હતી અને હાલોલ બેઠક માટે સીટીંગ ધારાસભ્યનો વિરોધ કરીને કેટલાક સીનીયર કાર્યકરો અને યુવા કાર્યકરો એ હાલોલ બેઠક માટે પોતાની દાવેદારી કરી હતી. આજરોજ ભાજપ દ્વારા હાલોલ વિધાનસભા બેઠક ઉ5ર સીટીંગ ધારાસભ્ય જયદ્રથસિંહ પરમારને રીપીટ કરીને ઉમેદવાર જાહેર કરવામાંં આવતાં જયદ્રથસિંહ પરમારના સમર્થકોમાં ખુશી જોવા મળી હતી. જ્યારે હાલોલ ભાજપની વિરોધી ટીમના કાર્યકરો – નેતાઓમાં વિરોધ સાથે નારાજગી જોવા મળી હતી. સીટીંંગ ધારાસભ્યને ઉમેદવાર બનાવવાના વિરોધ સાથે જીલ્લા બીજેપી પ્રમુખને પત્ર લખીને ઉમેદવાર બદલવા માંગ કરી છે.