હાલોલ,હાલોલના બાદશાહ બાવાની દગા પાસે રહેતા ફરિયાદીના ધરે રાત્રીના સમયે ત્રણ ઈસમો ધરે ગાળો આપતા હોય ગાળો આપવાની ના પાડતાં આરોપી ધરમાં આવી માથાના ભાગે ચપ્પુના ધા મારી ઈજાઓ કરી તેમજ છોડાવવા પડેલ વ્યકિતને ચપ્પુથી ઈજાઓ પહોંચાડી તેમજ અન્ય આરોપીઓ ગેબી મારમારી ઈજાઓ પહોંંચાડી ગુન્હો કર્યાની ફરિયાદ પોલીસ મથકે નોંધાવા પામી છે.
પ્રાપ્ત વિગતો મુજબ હાલોલ બાદશાહ બાવાની દગા પાસે રહેતા ફીરોજભાઈ યુસુફભાઈ ધાંંચીના ધરે રાત્રીના સમયે આરોપી ફરહાન યુનુસ લીમડીયા સાથે પૈસાની લેતીદેતી બાબતે ફીરોજભાઈ ધાંચી સાથે ગાળો આપતાં હોય ગાળો આપવાની ના પાડતાં આરોપી ફરહાન યુનુસ લીમડીયા એ તેના હાથમાં રાખેલ ચપ્પુ સાથે ધરમાં ધસી આવીને ફીરોજભાઈને માથાના ભાગે ચપ્પુ મારી દેતાં ઈજાઓ કરી હતી. જ્યારે વચ્ચે છોડાવા પડેલ હુમાયુ તથા ફજલને ચપ્પુ થી હાથના ભાગે ઈજાઓ પહોંચાડી હતી. જ્યારે અન્ય આરોપી સાહિલ અમજત લીમડીયા, યુનુસ મુસા લીમડીયા ગેબીમાર મારી ગુન્હો કરતાં આ બાબતે હાલોલ પોલીસ મથકે આરોપીઓ વિરૂદ્ધ ફરિયાદ નોંધાવા પામી છે.