ગુજરાત સરકાર દ્વારા આજે (9 ડિસેમ્બર) મોડી સાંજે એક સાથે 25 IPS અધિકારીઓની બદલીનો ગંજીપો ચીપવામાં આવ્યો હતો. જેમાં ઘણા સમયથી સિનિયર IPS અધિકારી શમશેરસિંઘની કોઈ સારી જગ્યાએ બદલી થશે તેવી ચર્ચાઓ હતી, પરંતુ તેમને એન્ટી કરપ્શન બ્યુરોમાં તે જગ્યા પર યથાવત રાખવામાં આવ્યા છે. જ્યારે તેમનો કાયદા અને વ્યવસ્થા વિભાગનો હવાલો રાજકુમાર પાંડિયનને સોંપવામાં આવ્યો છે.
અમદાવાદ શહેરના ત્રણ IPS અધિકારીઓની બદલી બહાર કરવામાં આવી છે. જ્યારે કેટલાક અધિકારીઓને વેઇટિંગ ફોર પોસ્ટિંગ રાખવામાં આવ્યા છે. જેમાં ખાસ કરીને અમદાવાદ શહેરમાં સેક્ટર 2ની ખાલી પડેલી જગ્યા જે છેલ્લા આઠ મહિનાથી ચાર્જમાં ચાલતી હતી તે ભરાઈ છે, ત્યાર બાદ અમદાવાદ શહેરના ઝોન 1 અને ઝોન 2 ડીસીપીની બદલી કરવામાં આવી છે. અમદાવાદ શહેરમાં બદલી થયેલા બીજા IPS અધિકારીને વેઇટિંગ ફોર પોસ્ટિંગ રાખવામાં આવ્યા છે.
અમદાવાદ શહેરમાંથી ઝોન 1 ડીસીપી હિમાંશું વર્મા અને ઝોન 2 શ્રીપાલ શેસમાની બદલી કરી દેવામાં આવી છે. જ્યારે અમદાવાદ શહેરના કંટ્રોલ ડીસીપી કોમલ વ્યાસની પણ બદલી કરવામાં આવી છે.
અમદાવાદ શહેરમાં સ્પેશિયલ બ્રાન્ચના એડિશનલ ડીજીપી અજય ચૌધરીની વુમન સેલમાં બદલી કરવામાં આવી છે. જ્યારે તેમનો ચાર્જ વિધિ ચૌધરીને સોંપવામાં આવ્યો છે. આ બધાની સાથે અમરેલી જિલ્લાના ડીએસપી હિમકરસિંહની બદલી રાજકોટ રૂરલ ડીએસપી તરીકે કરવામાં આવી છે. રાજકોટ TRP ગેમઝોન અગ્નિકાંડમાં બદલીમાં વેઈટિંગ ફોર પોસ્ટિંગમાં રહેલા IPS અધિકારી સુધીર દેસાઈને પોસ્ટિંગ આપવામાં આવ્યું છે.
IPS અધિકારીઓની બદલી કરાઈ
- ડો. શમશેરસિંઘ એન્ટી કરપ્શન બ્યુરોના ડિરેક્ટર પદ પર યથાવત
- ડો. રાજકુમાર પાંડિયનને કાયદો અને વ્યવસ્થા વિભાગના એડિશનલ ડિરેક્ટર જનરલ બનાવાયા
- અજયકુમાર ચૌધરીને ગાંધીનગર મહિલા સેલના એડિશનલ ડિરેક્ટર જનરલ બનાવાયા
- વિધિ ચૌધરીને અમદાવાદ સ્પેશિયલ બ્રાન્ચ અને એડમિનના એડિશનલ સીપી બનાવાયા
- એમ. એલ નિનામાને સ્ટેટ ટ્રાફિક બ્રાન્ચના IGP બનાવાયા
- જયપાલસિંહ રાઠોડને અમદાવાદ સેક્ટર 2ના જેસીપી બનાવાયા
- ડો. લીના પાટિલને વડોદરાના એડિશનલ કમિશનર બનાવાયા
- ડો. સુધિરકુમાર જે. દેસાઈને ગાંધીનગર આઇબીમાં એસપી બનાવાયા
- બલરામ મીણાને અમદાવાદ શહેર ઝોન 1 ડીસીપી બનાવાયા
- હિમકરસિંહને રાજકોટ ગ્રામ્યના એસપી બનાવાયા
- ઉષા રાડાને વડોદરા જેલ એસપી બનાવાય
- સંજય ખરાતને અમરેલી એસપી બનાવાયા
- ડો. રવિેન્દ્ર પટેલને ગુજરાત સ્ટેટ પોલીસ હાઉસિંગ કોર્પોરેશનના ડાયરેક્ટર બનાવાયા
- વિકાસ સુંદાને કચ્છ (પશ્ચિમ) ભુજ એસપી બનાવાયા
- હિમાંશુ વર્માને CID ક્રાઈમ આર્થિક ગુના વિભાગના SP બનાવાયા
- આલોકકુમારને સુરત ઝોન 1 DCP બનાવાયા
- અભિષેક ગુપ્તાને વડોદરા ઝોન 3 DCP બનાવાયા
- નિધિ ઠાકુરની અમદાવાદ સેન્ટ્રલ જેલના નવા જેલર તરીકે બદલી
- એન.એ. મુનિયાને મડાણા એસઆરપીએફ ગ્રુપ 3ના કમાન્ડન્ટ બનાવાયા
- વસંતકુમાર નાઈને પાટણના એસપી બનાવાયા
- ભરતકુમાર રાઠોડને અમદાવાદ ઝોન 2 ડીસીપી બનાવાયા
- ભક્તિ ડાભીને સુરત શહેર હેડ ક્વાર્ટરના DCP બનાવાય
- મેઘા તેવરને સાબરકાંઠા એસઆરપીએફ ગ્રુપ 6ના કમાન્ડન્ટ બનાવાયા
- કોમલ વ્યાસને જામનગર એસઆરપીએફ ગ્રુપ 17ના કમાન્ડન્ટ બનાવાયા