અમદાવાદ, લોક્સભા ચૂંટણી ૨૦૨૪ નિમિત્તે ગુજરાતમાં આજે ૨૫ બેઠકો માટે મતદાન થયું હતું ત્યારે મુખ્યપ્રધાન ભુપેન્દ્ર પટેલે પણ શીલજની પ્રાથમિક શાળામાં મતદાન કર્યુ હતુ. ભુપેન્દ્ર પટેલની સાથે અનેક ધારાસભ્યો અને કાર્યકરો પણ મતદાનમાં જોડાયેલા હતા.
સીએમ ભુપેન્દ્ર પટેલે ભારતને વિકસિત દેશ બનાવવા મતદાન માટે અપીલ કરી હતી. ભુપેન્દ્ર પટેલે અને તેમના દીકરા અનુજ પટેલે પણ મતદાન કર્યુ હતુ.
ભાજપના પ્રદેશ પ્રમુખ સી.આર. પાટિલે પણ મતદાન કર્યુ હતુ. તેની સાથે તેમણે શહેરીજનોને મતદાન કરવા માટે અપીલ કરી હતી. તેમણે કહ્યું હતું કે મતદારોએ લોકશાહીના આ પર્વની ઉત્સાહ સાથે ઉજવણી કરવી જોઈએ. મતદાન જેટલું વધારે થશે તેટલી લોકશાહી વધુ મજબૂત થશે. લોકોને વિકાસ માટે મત આપવા તેમણે અપીલ કરી હતી.