ગોધરા, ગોધરા તાલુકાના વેલવડ ગામે રોડ ઉપરથી બાઈક ઉપર પસાર થતાં 52 વર્ષિય વ્યકિતને આયસર ટેમ્પો ચાલકે અડફેટમાં લઈ અકસ્માત કરતા ચાલકને ગંભીર ઈજાઓ પહોંચાડતા દવા સારવાર દરમિયાન મોત નીપજયું હતુ.
પ્રાપ્ત માહિતી અનુસાર ગોધરા તાલુકાના વેલવડ ગામે રહેતા અભેસિંહ મણીલાલ પરમાર(ઉ.વ.52)પોતાની મોટરસાયકલ લઈને વેલવડ ગામ પાસે આવતા હતા ત્યારે આયસર ટેમ્પો નં.-એમ.પી.-13-જીબી-6171ના ચાલકે પોતાનુ વાહન પુરઝડપે હંકારી લાવીને બાઈકને અડફેટમાં લઈ અકસ્માત સર્જયો હતો. આ અકસ્માતમાં અભેસિંહ પરમારને માથાના પાછળના ભાગે તેમજ બરડામાં તથા શરીરે ઈજાઓ પહોંચતા સારવાર માટે ખસેડવામાં આવ્યા હતા. જયાં સારવાર દરમિયાન મોત નીપજયું હતુ. આ બાબતે કાંકણપુર પોલીસ મથકે ફરિયાદ નોંધાવવા પામી છે.