ગોધરા, ગોધરા તાલુકાના સાંપા માલગુણ ફળિયામાં રહેતા આરોપી ઈસમો પોતાના ધર આંગણે સુતેલ વ્યકિતને તુ મારી પત્નિ સાથે સંબંધ રાખે છે. ત્યારે મારે પહેલા સંબંધ હતા અત્યારે નથી તેમ કહેતા આરોપી ઈસમો ખોટુ બોલે છે તેમ કહી હાથમાં રાખેલ કટાર પાસામાં તથા કોણીના ભાગે મારી તેમજ બાઈકની તોડફોડ કરી જાનથી મારી નાંખવાની ધમકી આપતા આ બાબતે ગોધરા તાલુકા પોલીસ મથકે ફરિયાદ નોંધાવવા પામી છે.
પ્રાપ્ત માહિતી અનુસાર ગોધરા તાલુકાના સાંપા માલગુણ ફળિયામાં રહેતા ફરિયાદી સોનીબેન અરવિંદભાઈ પગી અને કાજલબેન પોતાના ધરમાં સુઈ રહેલ હતા જયારે ચેતનભાઈ ગામમાં લગ્ન પ્રસંગમાં ગયેલ હોય પરત આવીને ધરના આંગણામાં સુઈ ગયેલ હતા ત્યારે આરોપીઓ અનીલભાઈ બાબુભાઈ પટેલ, વિપુલભાઈ બાબુભાઈ પટેલ, રાકેશભાઈ ધુળાભાઈ ખાંટ ધરે આવ્યા હતા અને ધરના આંગણે સુતેલ ચેતનભાઈને તુ મારી પત્નિ દિપીકા સાથે આડા સંબંધ રાખે છે તેમ કહેતા ચેતનભાઈ મારે પહેલા સંબંધ હતા અત્યારે નથી તેમ કહેતા અનીલભાઈ પટેલ એ તુ ખોટુ બોલે છે તેમ કહી હાથમાં રાખેલ કટાર ચેતનને જમણા પાસામાં તેમજ હાથની કોણીના ભાગે મારી ઈજાઓ પહોંચાડી હતી. તેમજ ધર આગળ ઉભેલ બે બાઈકોની તોડફોડ કરી ધરના પતરાને લાકડીઓ મારી નુકસાન કરી જાનથી મારી નાંખવાની ધમકી આપતા આ બાબતે ગોધરા તાલુકા પોલીસ મથકે ફરિયાદ નોંધાઈ હતી. પોલીસે ત્રણ આરોપી પૈકી વિપુલ બાબુભાઈ પટેલિયાને ઝડપ્યો હતો.