ગોધરા,
ગોધરા એલ.સી.બી.પોલીસને બાતમી મળી હતી કે, મારૂતી ફોર વ્હીલમાં ઈંગ્લીશ દારૂનો જથ્થો ભરીને સંંતરામપુરથી વડોદરા તરફ જનાર છે. તેના આધારે નાટાપુર ગામ પામસે નાકાબંધી કરી બાતમીવાળી કાર માંથી 65,100/-રૂપીયાના દારૂ તેમજ કાર મોબાઈલ ફોન મળી 1,15,600/-રૂપીયાના મુદ્દામાલ સાથે એક ઈસમને ઝડપ્યો.
પ્રાપ્ત વિગતો મુજબ ગોધરા એલ.સી.બી. પોલીસને બાતમી મળી હતી કે, સંતરામપુર થી મારૂતી 800 કારમાં ઈંગ્લીશ દારૂનો જથ્થો ભરીને વડોદરા તરફ જનાર છે. તેવી બાતમીના આધારે એલ.સી.બી. પોલીસે નાટાપુર ગામ પાસે નાકાબંધી કરી બાતમીવાળી કાર નં. જીજે.23.એ.6549ને ઝડપી પાડી હતી અને કારમાં ચોરખાનું બનાવી લઈ જવાતો ઈંગ્લીશ દારૂની બોટલો નંગ-36 કિંમત 65,100/-રૂપીયા, મોબાઈલ ફોન અને કાર મળી કુલ 1,15,600/- રૂપીયાનો મુદ્દામાલ સાથે મહેન્દ્રસીંગ ચમનસીંગ સીસોદીયા (રહે. હિરન મગરી સેકટર-5, પ્રભાતનગર, રાજસ્થાન)ની ધરપકડ કરી આ બાબતે ગોધરા તાલુકા પોલીસ મથકે પ્રોહિબીશન એકટ હેઠળ ફરિયાદ નોંધાવા પામી છે.