ગોધરા, ગોધરા તાલુકાના ગોવિંદી ગામે રામદેવ મંદિર પાસે બાઈક ચાલકે પોતાનું વાહન પુરઝડપે હંકારી લાવી અન્ય બાઈકને અથડાવી દઈ તેને ગંભીર ઈજાઓ પહોંચાડી મોત નિપજાવી તેમજ પોતાને ઈજાઓ પહોંચાડી ગુન્હો કર્યાની ફરિયાદ નોંધાવા પામી.
પ્રાપ્ત વિગતો મુજબ ગોધરા તાલુકાના ગોવિંદી ગામે રામદેવ મંદિર પાસે બાઈક નં.જીજે.17.બીએસ.4045ના ચાલકે પોતાનું બાઈક પુરઝડપે બેદરકારીથી હંકારી લાવી બજાજ ડિસ્કવર બાઈક નં.જીજે.17.બીકે.5056ને અથડાવી દઇ બાઈક ચાલક દિલીપભાઈ શનાભાઇ પણદા ઉ.વ.32 (રહે. ગોવિંદી)ને શરીરે અને માથાના ભાગે તેમજ આંખના ભાગે હાથ-પગે ગંભીર ઈજાઓ પહોંચાડી મોત નિપજાવ્યું હતું અને આરોપી ચાલકે પોતાને પણ ઈજાઓ પહોંચાડી ગુન્હો કર્યાની ફરિયાદ ગોધરા એ ડીવીઝન પોલીસ મથકે નોંધાવા પામી છે.