ગોધરા સબજેલમાં સ્થાનિક ઝડતી સ્કોર્ડ દ્વારા આકસ્મિક બેરેકોની તપાસ કરવામાં આવી હતી. તપાસ દરમિયાન બેરેક નં.3માં કાચા કામના કેદી સબજેલમાં મોબાઈલ ફોન ઉપર વાત કરતાંં ઝડપાઈ ગયો હતો. આ બાબતે સબજેલના ઈન્ચાર્જ જેલર દ્વારા આરોપી વિરૂદ્ધ એ ડીવીઝન પોલીસ મથકે ફરિયાદ નોેંધાવા પામી છે.
ગોધરા સબજેલમાં 3 જુનના રોજ રાત્રીના સમયે સ્થાનિક ઝડતી સ્કોર્ડ દ્વારા તપાસ કરવામાં આવી હતી. ત્યારે બેરેક નં.3માં રાખેલ કાચા કામનો કેદી જય ઉર્ફે ભુમી દિપકભાઇ શાહ મોબાઈલ ફોન ઉપર વાત કરતો હોય જેને સુબેદારે ઝડપી પાડયો હતો. ઝડતી સ્કોર્ડ કેશોડા કંપનીના મોબાઈલ બેટરી અને સીમ કાર્ડ કબ્જે લઈને કાર્યવાહી હાથ ધરાઈ હતી. આ બાબતે ગોધરા એ ડીવીઝન પોલીસ મથકે ફરિયાદ નોંધાઈ છે.