ગોધરા,ગોધરા શહેરના પોલીસ ગઢી ખાતે પૌરાણિક એવું શ્રી મહાકાળી માતાજીનું મંદિર આવેલું છે. જ્યાં નવરાત્રી દરમ્યાન મોટી સંખ્યામાં માઈભક્તો દર્શનાર્થે આવતા હોય છે. ત્યારે આજે ચૈત્રી નવરાત્રિનું સમાપન થયું છે. ચૈત્રી નવરાત્રિનાં સમાપનને લઈને શ્રી મહાકાળી માતાજીના મંદિર ખાતે મહાપ્રસાદીનું આયોજન કરવામાં આવ્યું હતું. મંદિર ટ્રસ્ટ દ્વારા આયોજીત મહાપ્રસાદીનો લહાવો લેવા મોટી સંખ્યામાં માઈભક્તો ઉમટી પડ્યા હતા.