ગોધરા, ગોધરા ખાતે વેલકમ હોલમાં હ્યુમન કેર ફાઉન્ડેશન દ્વારા એપિક ફાઉન્ડેશનના સહયોગથી મહેંદી કોમ્પિટિશનનું આયોજન કરવામાં આવ્યું હતું. આ કોમ્પિટિશનમાં 90 થી વધારે બેહનોએ ભાગ લીધો હતો.જેમાં એક થી પાંચ નંબર ની વિજેતા બેહનો ને ટ્રોફી અને સંસ્થા તરફથી સર્ટીફીકેટ આપી સમ્માનીત કરવામાં આવ્યા હતા. તેમજ કોમ્પિટિશનમાં ભાગ લેનાર દરેક બેહનોને મેડલ અને સર્ટીફિકેટ આપીને સન્માનિત કરવામાં આવ્યા હતા. આ પ્રોગ્રામમાં ગોધરા નગરપાલીકા કોર્પોરેટરો નસીમ બાનું શેખ અધ્યક્ષ અને મુખ્ય મહેમાન તરીકે તાહેરા બાનું મોલવી હાજર રહ્યા હતા. તેમજ અતિથી વિષેષ તરીકે સામાજીક અને રાજકીય આગેવાન રફીકભાઈ તીજોરી વાળા અને આબેદ હુશેન શેખ એડવોકેટ યુનુસભાઇ મન્સૂરી, તથા સાજેદા શેખ, તમન્ના શેખ વિગેરે આગેવાનો હાજર રહ્યા હતા. જજ તરીકેની ભુમીકા શાહીનાબેન પઠાણ અને સમીમબાનુ મીઝાઁ એ નીભાવી હતી. આ પ્રોગ્રામને સફળ બનાવા માટે ધી હ્યુમન કેર ફાઉન્ડેશનના સમીરભાઈ રાઠોડ, મુન્નાભાઈ શેખ, રફીકભાઇ વ્હોરા, અસ્ફાકભાઈ મલેક, અલ્તાફભાઈ મલેક અને તેમની ટીમે ભારે જેહમત ઉઠાવી આ પ્રોગ્રામ ને સફળ બનાવ્યો હતો.